الإثنين , يونيو 8 2020
باسم رجب

بالصوره : سبب غريب وراء ترك "باسم " لمنزله ووقفوه فى الشارع وكل اللى بيعمله أنه يصقف.

 باسم رجب
باسم رجب

الأهرام الكندى
قامت أحدى الصحفيات بمحافظة الأسكندرية بإجراء حوار مع رجل وصفته بالغريب يقف طوال اليوم بشارع أبو قير كل اللى بيعمله أنه يصقف بيده فقامت بإجراء حوار معه
واليكم التفاصيل
أي حد بيمشي فى شارع أبو قير وتحديدا عند كلية الهندسة من ال 10 ايام اللي فاتوا مرورا بالنهاردة
هيشوف الراجل ده ويستغرب جدا
واقف يصقف طول اليوم سقعة، حر، شمس، زحمة، هدوء، دوشة مش بيعمل حاجة غير إنه واقف يصقف!!
كنت ماشية بعربيتى ومعاى زميله والحس الصحفي ! استهوانا نعرف حكايته ايه .
عملنا احتياطاتنا قفلنا نص الازاز واللوك بتاع العربية : وفتحنا فلاشر ووقفنا سألناه بالتبادل 😕
-السلام عليكم يا حاج
=وعليكم السلام
-ممكن أسأل حضرتك سؤال
=اتفضلي يا بنتي
_حضرتك واقف هنا ليه؟
=واقف علشان المخابرات
_يعني ايه؟
=أصل أنا متراقب ومتلفقلي قضية تجسس
_مين ملفقهالك؟
(بيشاور علي الشجرة اللي جنبه اللي عليها صورة السيسي )
=المخابرات اللي علي الشجرة دي
_قصدك السيسي
=يعني (ويهز راسه بالايجاب)
(فى الأول بحسبه مجنون بقول لصاحبتي كدة قالتلي ده أعقل مني ومنك)
_تجسس مع مين؟
=تجسس مع شبكة اسرائيلية
-وحضرتك واقف هنا ليه بقي ؟
=واقف معترض علي حاجات كتير محدش سامعني وعايز صوتي يوصل
-ومعملتش بلاغ ليه؟
=عملت 95 بلاغ
– ضد مين؟
= ضد السيسي واعوانه ضد الظالمين
-حضرتك بتشتغل؟
=اه بشتغل الصبح محاسب في الجهاز المركزي للمحاسبة
-وبتروح بيتك تتغدى وتتعشى وتنزل تاني؟
= اه
-عندك أولاد؟
=أنا اصلا مش متجوز
-ايدك مش بتوجعك؟
=بتوجعني بس الظلم وحش
-وهتروح امتي؟
=الله اعلم
-حضرتك اسمك ايه؟
=باسم رجب
-ممكن أصور حضرتك
=اتفضلي
-هنيجي تاني نسال علي حضرتك
=تشرفوا
-السلام عليكم
= وعليكم السلام في رعاية الله يابنتي

رجل متزن جدا.. رجل غريب.. قصته غريبة.. تصرفه مثير للتساؤلات.. أكيد حاجات كتير هنعرفها أكتر بعدين!

شاهد أيضاً

رغم البراءة قضية المهندس على تعود من جديد إلى الساحة والأهرام تستعد لمعركة جديدة

 طيلة الفترة الماضية عاش كل المؤمنين ببراءة المهندس على أبو القاسم حالة من الهدوء والطمائنينة بعد …