الثلاثاء , يونيو 9 2020

سفيرة النوايا الحسنه للجاليه المصريه بالدمام.. لماذا يعانى هذا الجيل من السواد.

بقلم ..نوران محمد
ليه بيعاني الجيل ده من السواد؟ ليه بينبض قلبه بالكره و القسوة؟ ليه بيفكر فالانتحار؟؟
الضيق و الخنقه مسيطره على الجميع ، و اصبحوا مش قادرين يشوفوا النور حتى لو كان وسط عتمه.. و انه مش بس مضايق ده بيدور علي اللي يضايقه اكتر عشان يفضل كده.
دورت كتير بينهم جوه كل واحد بيشتكي و يائس .. لقيت اللي بيجمعهم حاجه اساسيه .. هي ضعف الايمان .. ضعف الايمان بالله .. بفكره ..بمنهج .. بمبدأ .. او بالخير.
هو انت ليه شايف ان الالم ده نقمه ..ماهو الوجع ده هو اللي عرفك فين الضعف اللي جوه نفسك عالجه بقى بدل ما تدوس عليه.

انت فاكر ان احنا جينا الدنيا بدون هدف. بالعكس احنا جينا عشان يكون لنا اصلا هدف
امن بأن الرزق مقسوم بأن الخير محتوم بأن ربك رب رحيم مش معنى ان الحاجه اللي بتتمنها دي مجتش يبقى انت تستحق الموت .. الرزق ده متوزع على العباد بالعدل بس يمكن انت الرزق جايلك في حاجه تانيه غير اللي انت مستنيها .. بس انت اللي معاند و بتخبط دماغك في حيطه سد

لو لجأت للأنتحار معناها انك ضعيف و ما قدرتش تواجه مشاكلك مهما كانت ماديات.. معنويات.. عواطف ..فقدان اعز الناس.. تأخر في عمل او دراسه..حد جه عليك اوي و حسيت انك خسرت كتير..ماهو انت كده خليت الحاجه اللي وجعاك هي اللي تكسبك .. فووووق و خليك انت الكسبان
لسه قدامك حاجات كتير اوي لسه ماتعملتش جرب حاجه جديده حاجه مجنونه انزل الشارع و وزع عالناس ضحكه بوشك بورقه بأي حاجه المهم اتجنن و اطلع من الموود
جرب تكون انسان جديد ارمي القديم ورا ظهرك .. اعملك هدف جديد هو انك رغم همك رغم وجعك هتضحك و تدخل السرور على قلب كل اللي يقابلك
الضحكه كفيله تنسيك وجعك .. و افتكر ان احب شيء عند ربنا هو ان تدخل سرور على قلب اخيك المسلم

شاهد أيضاً

د. عاطف المصري

بدون تطبيل

سبق وعلمنا أن القياده السياسيه رصدت مبلغ مائة مليار جنيها لأزمة كورونا و ظلت تنادي …