جريدة الأهرام الجديد الكندية 
مقالات مشابهة
قمنا منذ ساعات هنا على موقع الاهرام الكندى بنقل شكوى المهندس محمد محمد مصطفى التى نشرتها صفحات الجالية المصرية بالسعودية والذى وقع لها حادث بعدما قام طفل سعودى يقود سيارة على سرعة 160 خبطه وهرب فحدث شلل وفقد الذاكرة وتم طرد أسرته من السكن ومن المستشفى قمنا بنشر ذلك مناشدين السفير بالتدخل وأنتظرنا الجديد حتى وصلت لنا هذه الرساله من احد المصريين المقيميين بالمملكة قالوا فيها الأتى
النهاردة روحت أنا ومجموعه من الزملاء مستشفى “سند” عشان نزور المهندس المصرى محمد ، الحقيقه لما روحنا مسالناش الاستقبال عن الحاله ، احنا لقينا مصريين كتير ماشيين وطلعوا الدور التانى طلعنا معاهم ، والله كأننا حاسين انهم رايحين لنفس الحاله شوفنا محمد شاب زى الفل باب غرفته مبيتقفلش شوفنا الحاجه والدته وقالت لنا أن لجنه من التأمين الصحي حتيجى بكرة الأحد عشان تشوفه ، وان فيه ناس من السفارة زارته ، عاوز اقولكم أن الغرفه والطرقه كانت زحمه المصريين كانوا فى سباق فى الخير واننا نشيل بعض ، انا بكتب ومش قادر أمسك دموعى والله ايدينا كانت بتتسابق وكل واحد بيطلع ظرف من جيبه وبيحطه تحت مخدة محمد اللى كان بيخرج من عند محمد كان بيدخل غرفه تانيه رقمها 3087 واحنا كمان دخلنا لقينا واحد مصرى بقاله سنتين فى المستشفى ومعاه اسرته زرناهم واتكلمنا مع ولادة
انا راجع فخور وفرحان اللهم لك الحمد احنا بخير والله المصريين أجدع ناس واللى يقولك غير كدة قوله روح شوف المصريين اللى بحق فى مستشفى سند .عارف ان فيه حالات تانيه وكتير وأصعب وعشان كدة اخدنا عهد انا واصحابي كل أسبوع نروح أى مستشفى ونسأل على اى مصرى هناك حتى لو مش محتاج مساعدة حنزوره للاطمئنان عليه ربنا يمتعنا ويمتعكم بالصحه والعافيه ويشفى كل مريض وربنا يبارك فى المصريين الجدعان”
الى هنا وأنتهت رساله المصرى المقيم بالسعودية ولا نخفيكم سرا أن الدموع نزفت من عيوننا ونحن نقرائها وشعرنا بأننا نسيير فى الطريق السليم ونحن نساند أخواننا المصريين بالغربة .
