الجمعة , مارس 29 2024
كاتبة
نوران محمد

الغربة حالى .

عطشانه يا بحر ومين غيرك يرويني
عديني يا مراكبى للبر رسيني
لأهلي و ناسي زاد شوقي و حنيني
و حبيبي اللي شوقه ماليني
الغربة حالي.. مشتاقه لحضن يإويني
وفالبعاد تاهت والله سنيني
يامين بكره يرجعني و ليهم يوديني
انا تعبانه من الوحده .. و مستاءة .. ومحتاجه
لأيد امي تغطيني
وبشويه طبطبه فعز البرد تدفيني
وحشني خوفك..والضحكه..والحنه في كفوفك
وحشني اسمعك تدعي ..واضحك كل ما اشوفك
فالمرايا هي هي نفس صورتك..
فيا منك حتى صوتك
عمري مافثانيه نسيتك .. ياريتك جنبي تضميني تواسيني
فاكره يوم يعادوني بتحميني..وبين احضانك تخبيني
واليوم بقيت انا اقوى ..والكل خايف يعاديني
عشان اللي فيكي بقى فيا..الصبر والقوة على طيبه و حنيه
يا ست الكل ياغاليه..يا ريحه فل حواليا
اوعديني تستني ..بكره عشانك انا جايه
انتي الهنا وانتي المنى.. وانتي من ربنا هديه
يارب تدوملك الصحه.. يا أمي يا كل ما ليا
نوران محمد
سفيره النوايا الحسنه للجاليه المصريه بالسعوديه

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …