الجمعة , مارس 29 2024

كارثة : مجلس الوزراء يحقق فى شكوى بعد سنه ونصف ويطلب من صاحبها أختيار بند من ثلاثة بنود بالشكوى ليتم فحصها .

اتحاد

الأهرام الكندى
صدق او لا تصدق مجلس الوزراء المصرى يحقق فى شكوى تم إرسالها منذ عام ونصف يعنى أتبعتت فى أوائل حكم الرئيس المؤقت المستشار عدلى منصور ويدوب حيفحصوها بعد ما يقرب من العام من حكم الرئيس السيسى لا والمطلوب أختيار مشكلة واحده من الثلاثة مشاكل الموجوده بالشكوى علشان يتم فحصها كل ده بعد عام ونص
اليكم التفاصيل
البدأية كما سردها الاستاذ علاء عبد الهادى المنسق العام لأتحاد معلمى الأقصر على صفحته الشخصية على الفيس بوك قائلا تلقيت اتصال هاتفى اليوم الثلاثاء 26 / 5 الساعة 12.30 ظهرا من مجلس الوزراء
يقول الأتى
الو .. أ/ علاء عبدالهادي
– أيوه يا فندم أنا علاء
– طيب حضرتك كنت باعت فاكس بشكوي بخصوص (الاجازات الاعتيادية و ضم المدة للمتعاقدين و تأخر المرتبات) باسم اتحاد معلمي محافظة الأقصر
– لا يا فندم أحنا باعتين فاكس بخصوص (أحكام حافز الاثابة و تأخر مرتبات المتعاقدين)
– لا حضرتك الفاكس في ايدى ومفيش حاجة عن حافز الاثابة و لا غيرة .. مفيش غير اللى بقولهولك
– بس حضرتك الفاكس اللى بتتكلمي عليه دا احنا بعتينة من اكتر من سنة و نص و فقدنا فيه الامل اصلا .. و اللى منتظرين الرد عليه دا فاكس مبعوت من شهر تقريبا .
– ايوه يا فندم هو فعلا الفاكس اللى في ايدي بتاريخ 12 فبراير 2014 بس كل حاجة بنظام .. و لما جه دوره ادينا بنتصل بحضرتك علشان نشوف المشكلة .. و مبدئيا لازم تختار مشكلة واحدة بس من التلاتة اللى فى الفاكس علشان نبحثها
– كمان مشكلة واحدة و لسة حتبحثوها !
– اتفضل اختار مشكلة
– طيب تأخر المرتبات
– طيب شكرا .. حنبقا نتصل بحضرتك تاني

.

شاهد أيضاً

الحكومة المصرية

الحكومة توافق على إنشاء مؤسستين عقابيتين بمدينة مايو

وافق مجلس الوزراء خلال اجتماعه اليوم برئاسة الدكتور مصطفى مدبولي، على قرار بشأن تخصيص مساحات …