الخميس , أغسطس 11 2022

بالصور : وفاة طفلة داخل حضانة والأم الإهمال موت بنتي وعارفه القانون مش هجيب حقى.

صورة الطفلة
صورة الطفلة

الأهرام الكندى
تداول نشطاء صور لطفلة ماتت بسبب الإهمال داخل احدى الحضانات بأسوان وتوصل فريق شبكة “حصاد” الى أم الطفله “راقية” وناشدت بكشف القضية حتى يصل صوتها الى المسئولين.ونشرت عبر صفحتها فى “الفيس بوك” رساله نصها :

دى المفروض حسب التقرير انها ماتت بسبب جرثومه فى الدم اهو تقرير الوفاه بتاعها.. اللى تم تركيب جهاز التنفس قبل ماتموت باكام ساعه انا شفت البنت مناخيرها مش فى طبيعتها وفيها دم وقولت لأبوها البنت مناخيرها مكسوره زعقلى وقالى انتى هتفهمى اكتر من الدكاتره

اتصلنا بالليل بحضانه الرحمه عشان اسال على نتيجه التحاليل بتاعت بنتى لانهم قالوا النتيجه هتظهر بالليل واتصلوا اسالوا بتاع الرسبشن قالنا ماحدش جابها طب فين الدكتور اللى عليه النبطشيه مشى هى كانت دكتوره ومعاها طفل صغير داير جوه الحضانه وبيلعب فى كل حاجه

المفروض ان الدكتور مايمشيش غير لما يكون بديله رجع الاطفال امانه فى ايديهم دول مين الى هياخد باله منهم الممرضات آه الممرضات دول داخلين بالموبايلات وليل ونهار زغزغه دخلت كذا مره لقيت جهاز الضغط بتاع بنتى مفكوك وانادى عليهم يركبوه غير انى كان جهاز النفس بيتركب فوق مناخيرها وكان كاسرها وكل شويه اشوف الدم نازل ولما قولتلهم غيروه وخلوه من تحت ولما خلوه من تحت كسرولها مناخيرها واللى يبص فى الصوره كويس هيلاقيه ضاغط على الفك كمان وكاسره
انا دفنت بنتى وعارفه ان مافيش قانون هيجبلى حقى بس عايزه كل الناس تعرف اللى حصلها حسبى الله ونعم الوكيل انا مابنمش الليل من منظر التشوهات اللى عملوها فيها بنام بمهدىء ربنا ينتقم من كل واحد اهمل فى بنتى .

4 3 2

شاهد أيضاً

جورجيت شرقاوى تعلق على جريمة قتل سلمى الشوادفى

علقت الصحفية جورجيت شرقاوى على جريمة قتل الطالبة سلمى الشوادفى قائلة قامت النيابة بتوجية تهمة …