الثلاثاء , مايو 25 2021

مكسوفه منك..!

11062359_869579156431598_1616658174380427974_n

بقلم : روزى نشأت

مكسوفه منك..!
كنت أسمع دايما في الجوازات بتاعت زمان إن البنت اول ماتسكت يبقى موافقه على العريس بس مكسوفه.. وكانوا الناس يقولوا المثل الشعبي الشهير… ” السكوت علامه الرضا ”.. لغاية لما كبرت و بقيت بقعد مع الستات متجوزه و الاقي الواحده من دول ولا راضيه ولا نيله و تفضل تقول’ جبروني ع الجوازه’..’انا مش سعيدة ‘!!
وبعدين بدأت افكر في ايه هو معنى الرضا؟!…
ولقيت إنه انسب معني اني اعمل الحاجه وانا موافقه عليها بكامل إرادتي ومبسوطه.. يعني ولا اوافق وخلاص ولا اكون بعملها من غير نفس..
وأما كبرت اكتر.. بدأت اشوف إن مش لازم يكون في حد بيجبرك علي الجواز أو السفر أو اللبس أو اسلوب العيشه.. لأ ده ساعات البنات هي اللي يتجبر نفسها.. هي اللي بتسَكت إحساس عدم الرضا والارتياح جواها ناحية اللي هي بتعمله.. هي اللي بترفض تسمع اي فكره غريبة عن اللي هي عايزاها ومتمسكه بيها..
مش كلنا بيتم اجبارنا.. إنما بقينا احنا الحاكم والمنفذ والضحية..
صحي وكيل النيابة اللي جواكي.. فكري في الفكره وعكسها ماتخليش حد أو حتي نفسك تجبرك على وضع مش بتاعك.. عشان محدش بيجي يتعود معاكي ع الوضع الجديد اللي بتعيشيه.. السكوت مش دايما علامه للرضا.. اغلب الوقت بيكون علامة لقلة الحيله أو الخوف من التغير..
اصنعي حياتك.. عيشي سعيدة.. 🙂

شاهد أيضاً

ناصر عدلي محارب ـ المفكر الاقتصادي ـ

دفعنا 500 مليون دولار لغزة ، وسنحصد المليارات

عاوز اطمن الشعب المصرى واشرح ببساطة وموضوعية أن قرار القيادة السياسيه بالتبرع ب نصف مليار …