الخميس , يونيو 30 2022

ألف آه !!!

ميلاد

ميلاد_ثابت_إسكندر
فنان تشكيلي
عافـر وكَسَّـر وإكـدب وفَسَّـر ،،، بـس المُهـم تبـان
اخلق حَكـاوي اجـرَح وداوي ،،، لازم تكـون طـرَزان
كَبَر في كرشك كَتَر في قرشك اوعيَ تبات غلبان
أيه الحيــاة غير مال وجاه !!! من غير كده هتنهان

إلبـس قنـاع ارفَــع شـراع ،،، مـركبـك هتسـيـر
بوس الأيادي طبطب ودادي ،، هدفك أهم كتير
زَييف حقايق اضرَب وضايق ، ومش مُهـم الغيـر
انسيَ الفضيلة بلا هَم نيلة مافيش وراها خير

آخــر الحكايــة أيــه النهايـــة ؟ عـــارف مصيـرك فـين ؟؟؟
مـوت الضَميــر خـلاك اسيـر ،،،، تايـــه مـن التـايـهـيـن !!
كل إللــي فـــات وهـم وآفــات ،،،، باطـل تَعـب السـنيـن
ومافيش جيوب في كَفن هيدوب جَسدَك معاه يامسكين
وألـف آه علـي الحيــاة ،،،، مـيـن إللـي يفهم مين ؟؟؟!!!

شاهد أيضاً

ياريت نفهم قبل ما نتكلم

ماجدة سيدهم لا استنى وإهدا بس شوية …كفاية غش وتضليل بسبب قلة الفهم والمعرفة .. …