الجمعة , مارس 29 2024
تورنتو
السيارات

المصريون بالخليج قالوا كلمتهم ( حقنا سيارة بدون جمارك) لن نتنازل عنه يا حكومة .

لاقت حملة حقى سيارة بدون جمارك او ضرائب تأييد وأقبال شديد من أبناء الجالية المصرية بالسعودية والكويت وقطر وعمان والإمارات ، وأبدىء الجميع مشاركته بالحملة التى إعلن الأهرام  الكندي  عن تبنيه ، وقد سجلت الصفحة التى تم تدشينها من قبل أبناء الجالية المصرية بالسعودية دخول آلاف المصريين بالسعودية فى يوم واحد ..
وسنقوم هنا بطرح عد من الأراء للمصريين بالسعودية حول الأمر
حيث قال ” أمير أحد ابناء الجالية المصرية بالسعودية “
بصراحة هذه من القوانين التي تحمل في طياتها الغباء المستفحل …

اولا : لازم تكون انت اول مشتري للعربية طيب انت مالك ياعم انت ؟؟ اعطيني سبب واحد يخليني أشترى سيارة زيرو وادفع اقساط مرة ونصف تمنها وهي سنة واحدة وسعرها بينزل للارض اصلا !!!
ثانيا : ولو إشتريتها مستعملة أضطر ارميها رمية الكلاب علشان مش حعرف انزل بيها ..طيب الخسارة دي مش فلوس المغترب ولا المفروض أن شقاة يضيع علي البلد ؟؟؟
ثالثا : 50 % جمارك علي العربية حتي 1600 CC وفجأة 280 % فوق ال 1600 CC يعني مبلغ غير منطقي مقابل إيه ؟ وليه النسبة المجنونة دي ؟؟؟
رابعا : هو إستهلاك البنزيين ليه علاقة بال CC النهاردة بالعكس تماما ..العربية 128 الفيات بتستهلك بنزيين اكتر من العربيات 2000 CC الجديدة !!!
خامسا : ممكن يتم التعهد بعدم بيعها او التنازل عنها بسيطة يعني
لو الدولة عملت حسابها مرة واحده ان كل مليم بتوفره للمغترب هيكون لصالحها كان الوضع اتغير خالص للاسف .

أما سمير من السعودية قال الواحد  متغرب وطالع عينة عشان يسافر وفضل شغال طول يومه فى ظروف صعبة وحرق دم وبيحول كل اللى بيكسبة لبلدة وبيوفر على البلد اكلة وشربة هو واسرته ، تعليم وسكن وغيره كمان مايستحقش ينزل بعربيتة اللى اشتراها بفلوسه ومافيش حد دفع له حاجة فى ثمنها لا البلد ولا حد تانى ؟
أما السيدة نهى تعمل بأحد دول الخليج
العدالة اﻻجتماعية ياراجل المغتربين موفرين لكم مكان فى المدارس والمستشفيات والشوارع وطالعان عين اللى جابوهم فى القرش اللى بيشتغلو بيه وﻻ مناسبات وﻻ اعياد مع اهله بيحضرها بيدفعوا تأمينات ومعاشات اكتر من اللى موجود فى البلد وبالدوﻻر وفى الأخر ميكونش ليه الحق فى أنه ينزل بعربيته

الصفحة الرسمية للحملة على الفيس بوك .. أضغط هنا

شاهد أيضاً

الكنيسة القبطية

نياحة القمص ويصا باقى كاهن كنيسة الشهيد العظيم مارجرجس والقديس العظيم الأنبا إبرام زاوية الناعورة – المنوفية

يطلب رهبان دير القديس العظيم الأنبا باخوميوس( الشايب ) بالأقصر نيافة الحبر الجليل الأنبا إقلاديوس …