السبت , يونيو 6 2020
شريف إسماعيل رئيس الحكومة المصرية

رسالة مبكية لرئيس الجمهورية والحكومة حول حقى سيارة بدون جمارك او ضرائب .

 

بقلم : شجرة الدر
رئيس جمهوريتنا الغالى …… حكومتنا الموقره ….ممكن كلمه
– احنا سبنا بلدنا من سنين كتير نسيت عددها من كترها علشان ملقيتش مكان تحت شمسها و ملقتش لقمة عيش على ارضها
ومع ذلك دى بلادى مكرهتهاش
– اتغربت سنين كتير و سبت حقى فى تعليم ولادى بالمجان وسبت حقى فى العلاج و حقى فى الدعم وحقى فى رغيف العيش ، ومع ذلك دى بلادى مكرهتهاش.
– اتغربت اشتغل و ابعت فلوس لاهلى بكل عملات العالم و احط فلوسى فى مصر و استخسر اشترى حاجه من الغربه و انزل اشترى كل حاجه من مصر لأن اهل بلدى اولى ، و مع ذلك دى بلدى مكرهتهاش
– لو مت بره بلدى مش هلاقى حد يقرا لى الفاتحه و مع ذلك دى بلدى مكرهتهاش
– اسافر و ارجع الإقى عيلتى زادت فرد ، او نقصت فرد لا فرحت باللى اتولد و لا مشيت وراء اللى مات …. و مع ذلك دى بلادى مكرهتهاش .

– قضيت العيد لوحدى و فى رمضان معزمتش حد و ملقتش حد يعزمنى ، ومع ذلك دى بلادى مكرهتهاش .
طول عمرى بدى بلادى مع انها مبتدنيش
طول عمرى بحبها مع انها طردتنى اشتغل ف بلاد الناس ومنصفتنيش .
بعد ده كله مش من حقى ادخل بلادى بعربيه شارايها بفلوسي علشان اصحاب توكيلات العربيات اللى بيجيبو محاسبين يفبركو لهم الحسابات علشان يبتهربو من الضرائب
سيادة الرئيس ، حكومتنا الموقره ، مين اولى
المواطن الغلبان و لا التاجر المليونير
مين أحق اللى بيدى البلد و لا اللى بيأخد منها
أرجوكم يا ساده ، كفايه دوس على رقبة المغترب ، احنا لينا حق فى بلدنا ، كفايه طردتنى و ظلمتنى من سنين

 الصفحة الرسمية للحملة على الفيس بوك أضغط هنا للأشتراك 

شاهد أيضاً

د. عاطف المصري

الأهميه والأولويه

قد نري في كثير من الأحيان ان لم يكن دائما أشخاص لاقيمه لهم بجميع المقاييس …