السبت , يوليو 2 2022
مدحت عويضة

فاكسات مهاجر يرسلها: مدحت عويضة

السيسي
نتقدم إليكم بخالص العزاء في وفاة السيدة والدتكم.

جيستين تردو
بتقول أن منع السفر للمناطق التي تسيطر عليها داعش ضد حرية الفرد في التنقل والسفر، وحياة رحمة أبوك يا شيخ تتنيل وتسكت.

الأزهر
بالرغم من التقدم الرهيب إللي حوالينا مازلتم شاغلين نفسكم ” هل إطلاق الغاز من مؤخرة الفرد ينقض الوضوء أم لا؟؟” أصوت ولا ألطم ولا الأثنين.

القرموطي
في وقت الموجة الباردة طلعت علي الهوا بالبطانية، الحمد لله أنك لميت نفسك وقت الموجة الحارة.

أبو العلي ماضي
طالع من السجن تقول مصالحة طيب ودم الأبرياء ودموع اللي تيتموا وترملوا، المصالحة دي عند خالتك أم التيتي.

السلفيين
غريبة لما حد يمرض منكم تروحوا أكبر مستشفيات أوربا ولما الغلبان يمرض تنصحوهم بشرب بول البعير.

محمد مرسي
بتقول مش بيأكلوك في السجن يا راجل حرام علي أهلك د أنت أكلت ثلاث إرباع البط إللي في البلد.

مريم ملاك
ظلموكي في الثانوية العامة بصفر وفي مصر كل حاجة بفلوس إلا الظلم فهو دائما علي نفقة الدولة.

الشيخ علي جمعة
قولت النظر للمرأة المتبرجة حلال…. وحياتك تقولي علي نوع الصنف إللي بتاخده قبل ما بتطلع الفتوي… علشان أخدة قبل ما أكتب الفاكسات.

سعيد طرابيك
مبروك عروستك زي القمر عيش حياتك وربنا يسعدك وحياتك يا سعدة لو عروستك لها أخت صغيرة ابعت لي رسالة علي الفيس.

أردوغان
إيه إللي بيحصل في تركيا ما يكونش الأربع خمس صوابع إللي قال عليهم مرسي وصلوا لعندك وبدأو يلعبوا هناك؟؟ ليه لا؟؟. نحن في زمن الإحتراف.

محافظ بورسعيد
طبعا أنا مش موافق علي تكريمك للرقاصة لكن الغريب أن معظم إللي هاجموك تلاقيهم بيدوروا علي رقم تليفونها.

النادي الأهلي
أحلفكم بالغالي عندكم خوفا علي قلوب قرايبي وأصحابي الزملكاوية أوعوا تفرطوا في الكأس

شاهد أيضاً

أين فضيلة التواضع والتسامح والغفران أيوه الكاهن

كان احد الزملاء ارسل فيديو لكاهن بيحكى انه غضب من زوح سيدة حاول ان يصلح …