الإثنين , ديسمبر 6 2021

( طفل شوارع )

7

بقلم : محمد فتحى

أنا اللي مرمي علي الرصيف
لا لاقي لقمة ولا حتت رغيف
محدش أبدا حس بيا
في برد الشتا و نار الصيف

بمشي في الشارع حافي
الحمل تقيل فوق كتافي
محدش طبطب عليا
ملقتش حضن دافي

بموت من الجوع ولا بشكي
دايما موجوع ولا بحكي
بشرب مر الأيام
بكتم في نفسي و أبكي

أنا أبن الكنيسة و الجامع
بصرخ ولا حد سامع
أخرتها يتقال عليا
طفل شوارع

يارب أنا راضي بحالي
مهما أشيل فوق أحتمالي
عارفك هتخفف عني
ديما بتشيل بدالي

بصرخ من جوه القلب
ماليش غيرك أبدا يارب
أنا من شجرة مقطوع
لا ليا أم ولا أب

شاهد أيضاً

إلى من يلقون بفشلهم المستمر على الحائط القذر المسمى بالإخوان المسلمون.

بقلم : فتحى الجزاركل فاشل عندما تواجهة صعوبة أو أزمة ويكون هذا الفاشل متلبسا بتهمة …