الجمعة , مارس 29 2024
ريهام زاهر

فرّح نفسك بالعافية !!

ريهام زاهر
                            ريهام زاهر

فرٌح نفسك كده بالعافية..
اسرق ضحكة و احضان دافية..
اخطف وقت تبقي سعيد
البس لبس حلو جديد
و اقنع نفسك انه العيد !
و فسح نفسك ويا صحاب
متحسش انك متساب..
ابعت نكتة لنفسك ع الواتساب
و افتحها و اضحكها بجد
متستناش حاجة من حد
اشتري ورد و املا البيت
دق صور و زينة ع الحيط
استمتع بطعم القهوة
و اسرح ..و اضحك كده علي سهوة..
ولو شفت اصحابك م الجامعة
كلوا تورتة و طفوا الشمعة
و احتفلوا باجمل ايام
حوّش ضحك عشان قدام
سامح حد زعلان منه
لاعب طفل ..و طفلة ف سنه..
محدش عارف بكرة اية شايل
خليك متفائل … مشيها جمايل
و لما تكون عايز تشكي
اضحك برضو وانت بتبكي !!!

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …