الأربعاء , سبتمبر 28 2022
مدحت عويضة

فاكسات مهاجر يرسلها: مدحت عويضة

السيسي

إللي وقع مرسي أجهزة المخابرات لم تكن معه، وأنت وزارة الخارجية مش معاك وسفارتنا في الخارج بيعاك ومش معاك

وزير الخارجية

سفارتنا في فرنسا عرفت رفع قضية علي السيسي في فرنسا من الصحف، أما سفارتنا في كندا فما عرفتش عن اجتماع الإخوان مع جاستن ترودو خالص . أنا بقول بطلوا تبعتولهم فول علشان يصحوا شوية.

أبو تريكة

لو فعلا عايز تجيب حق شهداء بورسعيد روح هاته من حبايبك الإخوان.

ألتراس أهلاوي

من حقكم تطالب بحق شهداءكم لكن مش من حقكم ترفعوا شعار “مكملين” الإخواني.

محمد مرسي

بصراحة الإعلام والصحافة لم يري حرية إلا في عهدك، د إحنا كن بننفخ فيك ليل نهار يا راجل.

الحكومة المصرية

الدولة اللي تسجن البحيري علشان برنامج تلفزيوني وناعوت علشان مقال وإسلام جاويش علشان رسم كاريكاتيري تبقي دولة مهزوزة.

ميركل

بتقولي المهاجرين لابد من رجوعهم سوريا بعد انتهاء الحرب، وأنا بقولك هو دخول الحمام زي طلوعه؟؟ كنتي طلعتي الأتراك يا حلوة.

رمضان صبحي

إيه سرعة الأداء دي تفك الخطوبة في 15 يوم، الناس بتصيف ثلاث أسابيع يا رمضان.

وزارة التربية والتعليم

لما المدرسين ينطوا السور يبقي ما حدش يزعل من التلاميذ بقي أيها المربيين الأفاضل.

مصطفي بكري

انسحبت ليه من إتلاف دعم مصر؟؟ أرجع مش هتلاقي مكان تاني ترقص فيه أحسن من كدة.

وزير الإعلام السوداني

بتقول أن السد العالي في أرض سودانية؟؟ طيب أسكت علشان السودان كلها أرض مصرية من أيام مملكة مصر والسودان.

وزير الشباب والرياضة

فضيحة سفر مفتحين للعب في كأس العالم لكرة، الجرس دليل علي أننا إحنا اللي فتحنا الأعمى وعمينا المفتح ودهنا الهوي دوكو.

وزير التعليم العالي

بتقول أن خريجي جماعات مصر أفضل من أقرانهم بالخارج، وانا بقولك علي إيدي بأمارة أنهم مش بيعبروا شهادتنا نهائي في الخارج.

رئيس هيئة الطرق

بتقول الطرق المكسرة تخفض السرعات وتقلل الحوادث، وانا بقولك روح يكسرلك طرقك علشان يطول عمرك لينا يا عبقري.

شاهد أيضاً

تورنتو تعلن عن إنشاء 390 وحدة سكنية للإيجار بأسعار مناسبة

كتبت ـ أمل فرج أعلنت حكومة تورنتو عن إنشاء 390 وحدة سكنية للإيجار بأسعار مناسية، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *