الجمعة , مارس 29 2024
طالب الأزهر مع مراسل دريم

مراسل دريم يكشف تفاصيل جديده لأول مرة حول “الفائز المزيف” والأزهر يحيله الى مجلس التأديب .

قررت جامعة الأزهر، إحالة “عبدالرحيم راضى”، الطالب بكلية الصيدلة بأسيوط، لمجلس تأديب، بسبب ادعاءاته الكاذبة بحصوله على المركز الأول بالمسابقة العالمية لحفظ القرآن بماليزيا.
وقال الدكتور أسامه عبد الرؤوف نائب رئيس جامعة الأزهر، إن الدكتور عباس شومان وكيل المشيخة، أجرى اتصالا بصلاح الوسيمى سفير مصر بماليزيا، وتبين أن الطالب لم يدخل الدولة من الأساس.
وأضاف عبدالرؤوف، أن مسئول الشئون الدينية بسفارة ماليزيا بالقاهرة، أكد أن المسابقة تقام سنويا فى شهر شعبان من كل عام، علاوة على أن الطالب لم يقدم حتى الآن، ما يفيد بحصوله على الجائزة العالمية.
على الجانب الأخر كشف مراسل قناة دريم بسوهاج الإعلامي
محمود عبدالعال تفاصيل جديده مع الفائز المزيف. تقوم الإهرام بنشرها كما هى بدون تدخل واليكم التفاصيل
احكيلكم بقى حكاية الشيخ عبد الرحيم بتاع مركز دار السلام فى محافظة سوهاج اللى قال أنه راح ماليزيا فى الأول زميلتى مايسة كلمتنى وقالت لى فى شيخ خد المركز الاول فى العالم فى سوهاج فى القران الكريم ، فذهبت للتصوير معه ومع أهله وفوجئت انهم استقبوله استقبال اسطورى كان فاضل يشيلوا العربية من على الارض سجلت معاه وطلبت منه يقرأ قرآن اعتذر وقالى صوتى تعبان وده نفس الكلام الـلى قاله للإعلامى تامر امين لما استضافه ، فذهبت الى صفحته على الفيس عشان الاقى ليه صورة فى ماليزيا او اى حاجة لقيتله صورة بيقول انه أتأهل لنهائى المسابقة متصورها فى استديو تصوير عادى وبعدها بنفس اللبس وفى نفس الاستديو متصور بعلم مصر ، وبعدها بدرع وبيقول انا فزت طب فين الجمهور فين اللى كرمك الله أعلم طلبت قبلها فيديوهات منه أو صور من ماليزيا عمل من الهند وقالى لسه مجتش وبعت اجيبها …هنا بقى دخل الشك جوايا وابتديت ادور بمساعدة اصدقاء ليه منشدين وشيوخ منهم الشيخ ابراهيم السوهاجى وقدرنا نوصل للشيخ هانى الحسينى اللى اخد المركز الاول 2013 والشيخ سيد طنطاوى اللى مثل مصر 2015 وده كان اخر متسابق ، المفاجأه بقى ان المسابقة بتتعمل فى شهر 7 من كل عام وده يتنافى مع التوقيت اللى هو خد منه الجائزة المهم خلصت معاه اللقاء بتاعى وقالى هروح عشان السيسى هيكرمنى والطياره قربت سألت انا هنا حد من اصحابنا فى المطار عن حد دخل المطار او خرج بأسم الشيخ عبد الرحيم راضى الإجابة الصاعقة كانت لا محدش جه اصلا اتصلت بقى هنا بمصادر فى الازهر الشريف وفى وزارة الاوقاف وفى السفارة الماليزية واللى نفوا انهم طلعوا اى حد من عندهم لماليزا وان ميعاد المسابقة لم يأتى بعد هنا بقى بلغت الاستاذ وائل الابراشى باللى حصل وقررنا ان احنا نجيبة كضيف هو والشيوخ اللى دخلوا المسابقة بالفعل بمجرد دخوله الأستديو عمل فيها ميت وابتدى يغمى علية شوية ويرجع وجبناله دكتور واللى أكد انه زى الفل ومفيهوش حاجة وتهرب من الحلقه وقفل موبايلاته وخيب آمال كل الناس فيه
الراجل ده استغفل مصر كلها وده يدل ان احنا عندنا مشكلة فى تداول المعلومات ان لمجرد واحد يكتب منشور على الفيس بوك يطلع فى 50 قناة عشان يحتفلوا بيه غير جرائد عربية ومصرية كان مجرد مصدرهم من منشور على الفيس بوك
والنهاردة سمعت الكدبة الجديدة ان فيه وفد من اليابان جاى يكرمه

شاهد أيضاً

الكنيسة القبطية

بعد شلح القس فيلمون رضا..المسيحيون ينتظرون قراراً بشلح هذا القمص

بعد صدور قرار اللجنة المجمعية الخاص بشلح القس فيلمون رضا عطية وعودته إلى اسمه العلماني مايكل رضا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.