الخميس , مايو 20 2021
محمد فتحى

( أخواتنا المسيحين )

كلمات : محمد فتحي

أنا المسلم اللي بحب أخواتي المسيحين
ربي و رسولي وصوني عليهم ليوم الدين
من زمان و أحنا أحباب
معايا بدل السبب أسباب
ربنا قال عليهم أهل الكتاب
ياما أختلفنا بس أتفقنا
إننا يوم لله رايحين

أنا محمد اللي بحب جرجس و يعقوب
حبل المحبة مش ممكن أبدا مستحيل يدوب
مهما نار الفتنة تقيد
حبنا بيكتر و يزيد
زي طفل مولود جديد
بتبقي فرحته جوه القلوب

كلام تجار الدين فينا مش هيأثر
مجاديفنا مش ممكن أبدا تتكسر
أصل حبنا مالي قلبنا و حق ربنا
يا زارع الفتنة يا كاره محبتنا
مسيرك بكرة تتحسر

متلعبش بالفتنة و تقول علي غيرك كافر
متعلمش يمكن جواه محبة و خير وافر
بطل بقي سمك أختشي علي دمك ولا كل همك
تقيد النار و تزيد فيها و تعافر

وقت الفتنة إحنا مش ضعاف
محبتنا بتزيد أضعاف أضعاف
فتنتك رخيصة ملهاش داعي
نور قلبك بالمحبة هتبقي واعي
بادر بالسلام خليك تملي ساعي
مهما قطر الشر عدي و طاف

أخر الحكاية و كل ما فيها
ياما فتن قادت ولا حد قدر يطفيها
في مصر الوضع يختلف
الكل شاهد و معترف
إن لام و أخرها ألف
يعني لا لا مصر الحياة
محبتها تملي الدنيا و تكفيها

شاهد أيضاً

مستشفى المحلة العام بين الحقيقة والادعاء..

أطباء مصر وكل الاطقم الطبية في القلب قبل العين موضعهم .ولا يستطيع أحد أن ينكر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *