الخميس , مارس 28 2024

قصيدة من الشعر العامية .

بقلم : أسماء عبدالحى
……………………..
انا سايبه جواك روحي
تضم ف روحك الضايعه
تداوي ف قلبك الخايف
وتاخد من حياتي الفرح
وتزرعه ف أرضك
تطرح ورد
وتصبح ارضي انا بور
يا سارق من حياتي النور
عايشه انا خايفه
ومش شايفه
غير خطاوينا
وبسهر ليلي افتكر
حكاوينا
انا سايبه ف صوتك صوتي
سايبه ف روحك خوفي
كتير شافوك ولما اتكلمتو
سمعوني انا بدالك
انا عايشه ف روحك بدالك
وخايفه من خوفك
وكاتبه انا حروفك
وواخده انا خوفك
وحضنك ليا ذكري
وكتير تشوف بنات تانيه
تحس انهم شبهي لكن
انا عايشه ف عيونك
طبيعي تشوفهم مني
انا سايبه ايدي ف ايديك
وصوتي لسه ف ودانك
ويوم ماهربت كنت انا ف احضانك
بتهرب مني تجيني
وتحضن بنات غيري
وتشوفني ف عنيهم
واما تبص ف مرايه
تشوفني وانت جوايا
تهرب منك
من روحك ومن جسمك
ولما جربت تموت
كنت انا ارضك
كنت انا قبرك
موت ف احضاني
انا سايبه روحي فيك
متهربش
انا طبعي اني اسيب
مبتسبش

شاهد أيضاً

ليلة أخرى مع الضفادع

في ضوء احداث فيلم الوصايا العشر بشأن خروج بني اسرائيل من مصر التى تتعلق بالضربات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.