الثلاثاء , مايو 18 2021

(((( ياداعش متحدين ))))

………
محمد فتحى
مينا ملاك
…….
الحكاية بجد كبيرة
مش هتكفيها سطور
بتحكي حاجات كتيرة
عن شيطان مغرور
………………….
شيطان ساكن ف ناس
خلاهم عايشين بالعما
موت جواهم الاحساس
خدعهم بدخول السما
…………………
صدقوا كلامه الزيف
كأنه كتاب سماوي
عايشين ف تخاريف
لا تسوي ولا تساوي
………………..
شريعته قتل وزنى
وصايته كلها شر
قالهم أنا ربنا
أنا الطريق و البر
…………………
دبحوا ناس بريئة
من غير أي ذنب
هيخلو العالم حريقة
بسم الدين و الرب
…………………
شرهم زاد و أنتشر
بالكره ف كل مكان
ديابة بس بشر
علي هيئة إنسان
………………
داعش ياقوة وهميه
الهنا اصله صبور
مهما دبحتوا اللى ليا
اخرتكوا ف القبور
………………..
احنا سلاحنا الايمان
والهنا لينا المجداف
وانتوا اكبركوا جبان
ان ساب سلاحه يخاف
…………………..
الظلم مش هيدوم
مهما علي صوتك
ليكي يا داعش يوم
مهما كان جباروتك
………………..
مش هننسي أخواتنا
الواحد و عشرين
ومهما اختلفت ديانتنا
احنا بالحب متحدين
………………..
محمد فتحى
مينا ملاك

شاهد أيضاً

عهد تحافظ على عهد الاستنارة!

السيدة عهد زوجة سلطان عُمان هيثم بن طارق تجلس شامخة ومبتسمة ولا تُخفي وجهها ولا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *