محفوظ مكسيموس – جريدة الأهرام الجديد الكندية http://www.ahram-canada.com Thu, 13 Feb 2020 07:45:14 +0000 ar hourly 1 https://wordpress.org/?v=5.4.1 كُتّاب عظام مجهولون تسلق علي أكتافهم مغمورين http://www.ahram-canada.com/168745/ http://www.ahram-canada.com/168745/#respond Wed, 12 Feb 2020 18:43:17 +0000 http://www.ahram-canada.com/?p=168745 بقلم / محفوظ مكسيموس

هل تعلم يا عزيزي أن كثير مما تقرأه من خواطر و مقالات منسوبة للبعض هي في الحقيقة منسوجة بأيدي مجهولة! بل و وصل الحال أن هناك ( كتب ) نسبت لأناس لا يعرفون فحوي محتواها – هذه ليست مبالغة – بل حقيقة يعلمها البعض و للأسف يجهلها كثيرين.

بمنتهي الأسي هناك من ضحي ببنات أفكاره و حبر قلمه و جواهر إبداعاته فقط ليري محبوبته – التي لا تحبه – في قمة المجد و تعتلي المنابر الفضائية بفضل ما خّط علي أوراق كتب عليها زورا وبهتانا بقلم ( فلانة )!!!!!!! و هل تعلم أيضا أن رجالا كثيرين سرقوا مجهودات أدبية كانت سببا رئيسيا في شهرتهم !!!!!

بالرغم من ريادة المحرك العبقري ( جوجل ) و كشفه لأرباب الإقتباس و فضحه للصوص الأدب و لكن يبقي هؤلاء المساكين الذين يتنازلون ( في الخفاء ) للبعض بدافع الحب الأفلاطوني و بعضهم ينسج خيوط أدبية ذهبية مقابل ( فتات) ليسد به رمقه!!!!

هناك اسماء رنانة في عالم التدوين و الكتابة و منسوب لهم مئات المقالات و الكتب و هم في الحقيقة أجوف من أن يُذكر أسمائهم في مجالس أنصاف المتعلمين.

هناك أيضا أسماء أصبحت خالدة في عالم الأدب إعتمدوا علي قدرتهم المالية في( السفر ) و شراء الكتب الغربية و إستعانوا بمترجمين أكفاء و قام بعمل إعادة صياغة أو ما يسمي ( Rewording أو Paraphrasing ) و كتبوا علي هذه المسروقات أسمائهم بتبجح!!!!

وحيد حامد العبقري بإسقاط لا مثيل له في فيلم طيور الظلام الذي جسده الزعيم كمثال هؤلاء عندما كان عادل إمام محام مغمور يكتب المرافعات الفذة لأسماء لامعة كل مقوماتهم الأناقة و العلاقات القوية في مقابل قنينة من الخمر مع بعض العملات الورقية التي لا ترقي لشراء حذاء للمحامي ذي الصيت الرنّان.
الصورة المرفقة لكلب يستأسد فقط في مظهره.

]]>
http://www.ahram-canada.com/168745/feed/ 0
محفوظ مكسيموس يكتب : ” حطب المحرقة “ http://www.ahram-canada.com/165818/ http://www.ahram-canada.com/165818/#respond Sun, 15 Dec 2019 12:37:39 +0000 http://www.ahram-canada.com/?p=165818 حطب المحرقة، كبش الفدا، الحيطة المايلة، أبناء البطة السودا، غيرها من التشبيهات البلاغية و الكنايات التي تصف بدقة ( أقباط مصر ) و للتوثيق دعونا نري إذا كنا محقين فيما ندعي أم أننا مجرد أصوات تبالغ وتهول الواقع:
القبطي هو المواطن الوحيد في العالم الذي لا يتجرأ علي الحلم بمنصب رئيس ( دولته ) في نفس الوقت الذي يسعي المهاجرين في دول الغرب لخوض إنتخابات الرئاسة.

القبطي هو المواطن الوحيد في العالم الذي لا يستطيع أن يفصح عن رغبته في إعتلاء المناصب السيادية كرئيس وزراء أو رئيس مخابرات أو حتي رئيس جامعة .
القبطي هو المواطن الوحيد في العالم الذي لا يتجرأ علي الحلم بأن يكون ممثل مشهور ( في وطنه ) و قمة نجاحه أنه يبقي صديق البطل أو سنيد. رغم حصول أحدهم ع الأوسكار في ( هوليود )!!!!!
القبطي هو المواطن الوحيد في العالم الذي لا يستطيع أن يصلي ( بدون رخصة )
القبطي هو المواطن الوحيد في العالم الذي لا يستطيع أن يمثل منتخب بلاده رغم أنه غير متحرش!!!
القبطي هو المواطن الوحيد في العالم الذي يحلم ببناء كنيسة يصلي بها في ( وطنه ) !!!!!
القبطي هو المواطن الوحيد في العالم الذي يخاف من الأعياد الدينية وكل حلمه إنها تعدي بس علي خير من غير تفجير ولا قتل !!!!!
القبطي هو المواطن الوحيد في العالم الذي لا يعتد بصوته إلا في الإنتخابات فقط ( كمالة عدد ) !!!
القبطي هو المواطن الوحيد في العالم الذي أجبر علي تغيير لغته و غيروا لسانه بالقوة الجبرية !!!!
القبطي هو المواطن الوحيد في العالم الذي لا يحق له تكريم في حالة إستشهاده من أجل وطنه!!!!
القبطي هو المواطن الوحيد في العالم الذي لا يحق له إلتحاق بجامعات في بلده بيساهم في دعمها بالضرايب !!!
القبطي هو المواطن الوحيد في العالم الذي يتم تكفيره في إعلام بلده و مدارس بلده و جامعات بلده !!!!!
القبطي هو المواطن الوحيد في العالم الذي يمثل رأيه السياسي زعيم ديني معينه النظام اللي بيعامل الأقباط كمواطن درجة تانية!!!!
مش عايز أبقي ممل أكتر من كدة لكن للأمانة ممكن نكتب كتاب ونسميه ( القبطي هو المواطن الوحيد في العالم الذي لا ) و السؤال للناس اللي شايفانا ( مستضعفين في الأرض ) وبندعي الإضطهاد : يا تري انتم شايفين المواطنة إزاي وإيه هو الحق و العدل وياريت حد يعرفنا إيه هي إمتيازات الأقباط كمواطنين في بلادهم؟!!!!
من أرشيف ٢٠١٧

]]>
http://www.ahram-canada.com/165818/feed/ 0
جبرائيل يسب أقباط المهجر أملا في عضماية http://www.ahram-canada.com/165196/ http://www.ahram-canada.com/165196/#respond Mon, 02 Dec 2019 18:56:40 +0000 http://www.ahram-canada.com/?p=165196 بقلم / محفوظ مكسيموس

كنت أتابع حلقة من برنامج ( صوت من لا صوت له ) للإعلامي المحترم أستاذ هاني حبيب و في منتصف الحلقة عرض الأستاذ هاني حبيب بيان صادر عن المحامي نجيب جبرائيل بخصوص رامي كامل و في الحقيقة لم يصدمني البيان الذمي الوضيع لأنه ينضح بالمازوخية و لعق الأحذية كعادة كاتبه.

ولكن إستوقفني جدا هجوم جبرائيل علي أقباط المهجر و نعتهم بالخيانة و التمويل و أخص قلة مندسة في أستراليا و أمريكا حسب تعبيره!!!! و بالرغم من إعتيادنا علي تصريحات جبرائيل ولكن هذه المرة قررت أن أرد على ترهاته الممزوجة بالإنبطاح و قلة الأدب التي كتبها فقط مغازلة لكل من يكره أقباط المهجر.

أولا أود أن أسأل أستاذ/ نجيب جبرائيل بضعة أسئلة عله يتحلي بالشجاعة الأدبية برغم تأكدي بأنه يفتقد أي نوع من الرجولة لأن ما كتبه عن أقباط المهجر ليس من الرجولة في شيء بل و بعيد كل البعد عن الأخلاق فحين يتهمنا بالعمالة و الخيانة و القلة المندسة فأسقط عن نفسه كل نبل.

سؤالي الأول: أين ذهبت الأموال التي قمت بجمعها أنت شخصيا من ( أقباط المهجر ) وإذا أردت التفاصيل فسأقوم بسردها بالتفاصيل ؟؟؟؟!!!!!!
ثانيا ما أدلتك الدامغة التي تثبت إتهاماتك الباطلة لنا كأقباط المهجر بالخيانة و التمويل و العمالة والإندساس؟

ثالثا لماذا ذكرت أستراليا و أمريكا فقط دون التطرق لباقي دول المهجر ؟؟!! بالرغم أن أقباط المهجر تعاطفوا و تضامنوا مع رامي كامل من كل حدب وصوب؟؟؟
رابعا: هل حصدت غنائم جراء إتهامك لنا بالعمالة ؟!! أم أن بضاعتك رخيصة مثلك و فرض عين عليك بتقديمها مجانا لإرضاء أولياء نعمتك؟؟!!!
خامسا: منذ متي حققت البيانات الذمية نتائج مرجوة ؟؟!! و كيف للاعقي الأحذية أن تُرفع هامتهم بين الرجال؟؟!!

صديقي الغير صادق جبرائيل إذا كنت تمتلك مثقال ذرة من الكرامة فعليك بالإعتذار لما بدر منك من صفاقة و قذف أناس بالباطل فقط لكسب ود متشددين كارهين و نظام مستبد، أقباط المهجر يا نجيب هم أكثر وطنية منك و من أمثالك من متسابقي الدرج و أبواق النظام و راقصي التنورة.

لا يستطيع أحد أن يتهم أقباط المهجر الشرفاء بعدم الوطنية والولاء لوطنهم الحبيب مصر . فقلب كل مصري أصيل ينبض بحبها ولولا المساوئ الجاحفة من سلطة مستبدة وإضطهاد مفضوح لما تركنا أوطاننا . ولو توفر العدل والمساواة بين الناس لما هاجر أحد. فكل إنسان يحب وطنه و يتمناه مدينة أفلاطون الخالدة . وكل من ينتقد النظام فهو محب للوطن لأنه يريد أن ينعم الوطن بالأفضل دائما وليس كما تعتقد أنت.

فدائما ما نحلم بوطن مشابه لموطن غربتنا ونراها ليست بمعضلة التحقيق في بلد منحه الله موقع عبقري و موارد غير قابلة للنضب و مناخ لا نظير له و حضارة عجزت أمام عبقريتها أعظم الدول . ولذلك فنحن دائمين التطلع لنراها ( الأفضل ) في كل شئ.

وعندما يخرج البعض يتهم أقباط المهجر بالعمالة والخيانة هذا سخف و إفلاس و غباء . فمعظم أقباط المهجر مشغولين ومنشغلين بوطنهم أكثر من كثيرين يعيشون في المحروسة وغير مكترثين بأحوالها. كفي تخوين لأقباط المهجر فهم من تركوا أوطانهم بأجسادهم فقط و قلوبهم وعقولهم متعلقين بمصر التي يفتخرون بالإنتماء إليها. و هم أيضا الذين ينطقون بالحقيقة كاملة بالنيابة عنك حتي لو كانوا مستمدين قوتهم و جرأتهم من أوطان الغربة ولكنهم يطالبون من أجلك.

لا يسعون لمكاسب مالية ولا شهرة لا تضيف إليهم شيئا فكل ما يشغلهم أن يروا وطنهم المحبوب في رخاء وإزدهار بعيدا عن أكاذيب الحكومات المضللة والعراقيل المفتعلة فبلدنا الحبيب هو أغني بلدان العالم ( بالإحصائيات والأرقام ) و كل كلام يردد عن طريق النظام عن أنها فقيرة فهو مجرد إفتراءات و أكاذيب لا صحة لها ولكنهم يرددون ما يسترون به عوراتهم الفاسدة من سرقات و فشل و فساد و تدمير لأغني بقعة علي وجه الأرض فلا تصدقوا أكاذيبهم وتأكدوا أن ( #مصر_أغني_البلاد ) ردي فيديو علي نجيب جبرائيل في أول تعليق.
#الحرية_لرامي
#FreeRamy

]]>
http://www.ahram-canada.com/165196/feed/ 0
محفوظ مكسيموس يكتب : الإنتحار http://www.ahram-canada.com/165193/ http://www.ahram-canada.com/165193/#respond Mon, 02 Dec 2019 18:42:48 +0000 http://www.ahram-canada.com/?p=165193 نتكلم بالعامية شوية و نركز مع بعض و ياريت نهتم كلنا.
موضوع الإنتحار مش جديد أبدا و لو قريت تاريخ و حتي القصص والروايات الأدبية القديمة هتكتشف أن الإنتحار موجود من زمان بس بدأنا نسمع عنه كتير دلوقتي بسبب السوشيال ميديا و التصوير و الإعلام.

حسب إحصائيات منظمة الصحة العالمية في ٢٠١٦ عدد المنتحرين سنويا ٨٠٠ الف أو انتحار فرد كل ٤٠ ثانية و دي طبعا أرقام غير دقيقة أبدا ولا تعبر إلا عن الحالات المسجلة ولكن هناك أعداد كبيرة من المنتحرين لا يتم تسجيلها كإنتحار و خاصة في دول الشرق الأوسط لأن الناس بتعتبر الإنتحار ( عار ) و ( حرام ) و علشان كدة ناس كتير مابتعترفش بإنتحار أقاربهم.

المشكلة كمان مش في عدد المنتحرين اللي هو فرد كل ٤٠ ثانية. لا المشكلة الأكبر أن ٢٠ فرد كل ٤٠ ثانية بيحاولوا الإنتحار ومش بينجحوا ولو حسبت الإحصائيات دي هتخاف فعلا لأن ده معناه أن لو نجحوا هيبقي في حدود ١٩ مليون فرد بينتحر سنويا.

أكتر نسب إنتحار في العالم طبقا لمنظمة الصحة العالمية في الدول الفقيرة و للأسف مصر تصدرت قائمة الدول المتحدثة بالعربية في ٢٠١٦ بمعدل ٣٧٩٩ رجل و ٧٠٤ سيدة أو فتاة.

طيب إيه أسباب الإنتحار و العوامل اللي بتزيد الإحصائيات:
١- الإضطراب النفسي و الإكتئاب و لازم الناس تركز شوية و تحاول تتعلم و تقرأ عن الإضطراب و بلاش تستهتروا لما تلاقوا حد مكتئب ولو حد ذكر قدامك أي أفكار إنتحارية لازم تساعده ولم معرفتش بلغ كل اللي حواليه و فهمهم خطورة الوضع.

٢- لو فيه تاريخ إنتحاري في العيلة ( حد انتحر قبل كدة ) دا كمان سبب مقلق جدا ( Trigger ) ياريت الناس تاخد بالها جدا من ده و لو ظهر حد تاني مكتئب لازم تساندوه جدا نفسيا وجسديا و روحيا.

٣- الفشل بكل أنواعه : مش كل الناس بتستحمل الفشل سواء فشل دراسي أو إجتماعي ( زواج، طلاق وإنفصال ) أو فشل عملي سواء وظيفة أو بيزنس أو حتي فشل عاطفي قصة حب. كل أنواع الفشل دي ممكن تبقي دوافع واسباب للإنتحار. الدعم الأسري مهم جدا جدا جدا جدا و دور الأصدقاء كمان مهم و بلاش تتجاهلوا دور الطبيب النفسي و المعالج السريري لأنهم مهمين جدا و مش عار زي ما أنتم فاكرين.

٤- عدم الثبات الوجداني و في الحالة دي لازم طبيب معالج مع متخصص جلسات سماعية مع رعاية أسرية ودعم إجتماعي.

٥- نشر رسائل المنتحرين قبل عملية الإنتحار من الأسباب الحقيقية التي تنشر فكرة الإنتحار و ترويجها يساعد كثيرين علي الإنتحار ( خدوا بالكم و بلاش تنشروا الرسايل أرجوكم )

الإنتحار بيبدأ بالتفكير فيه كفكرة ثم التخطيط و بعد كدة التنفيذ ياريت كلنا نعرف نساعد بعض و نسمع بعض و بلاش نستخف بمشاعر بعض و نحس ببعض ولما تشوف حد تعبان أو مهموم أو منطوي أو عنده أفكار سلبية لازم تهتم و تحاول إنك تخليك جنبه و تدعمه و تنبه كل حد حواليه و صدقني الدور الإجتماعي و الدعم النفسي من أقوي عوامل الحماية فبلاش تستهتروا بالخوف و الحزن و الفشل و صغر النفس لأن اللي بيموتوا منتحرين أكتر من ضحايا الحروب و السرطان.

الحب و الإهتمام و التشجيع و الدعم و الصداقة و الوعي كلها عوامل حماية فبلاش تبخلوا بيها علي بعض. قدموا حب و دعم وزعوا تشجيع و فرح وأمل و لقلبكم السلامة و لحبايبكم . شيروا على أوسع نطاق يمكن حد غيرك يستفيد.

دمتم بعافية و صحة نفسية أحبائي.

]]>
http://www.ahram-canada.com/165193/feed/ 0
هام جدا للأباء والأبناء بوست سنوي يعاد نشره للتوعية http://www.ahram-canada.com/165104/ http://www.ahram-canada.com/165104/#respond Fri, 29 Nov 2019 16:32:18 +0000 http://www.ahram-canada.com/?p=165104 بقلم / محفوظ مكسيموس

عزيزي الأب ، عزيزتي الأم أرجوكم بلاش:
١- بلاش تعاقبوا أولادكم بالضرب على الوجه لإنك بتخلق جواه صغر نفس و خنوع مع مرور الوقت ممكن يتحول من راجل محترم لمجرد مسخ .
٢- بلاش حضرتك تستخف بدماغه و توعده وعود كاذبة علشان تراضيه لأنك من غير ماتحس بتعمل حاجتين أسوأ من بعض أولا بتفقده ثقته فيك و بتعلمه ( الكذب ) .
٣- بلاش تفرض عليه ألعابه وأنشطته و ذوقك ف اللبس علمه يختار و يصنع شخصية مستقلة و هو طفل علشان ما يجيش اليوم اللي تحس فيه بالذنب ع الفاضي.
٤- أوعي تعلمه حاجة إنت بتعمل عكسها علشان حضرتك ببساطة بتأكدله إنك مزيف و صاحب شعارات حمضانة.
٥- أوعي تناديه بألفاظ مهينة حتي كنوع من العقاب و خاصة ( غبي، حيوان ،حمار،…..إلخ ) لأن حضرتك إما تعوده إنها ألفاظ عادية و تصيبه بالبلادة و دي مصيبة إما إنك تعلمه إستعمال الألفاظ ويبقي ( قليل الأدب ) و هذة مصيبة أعظم
٦- بلاش تقطع في الناس و تنم عليهم قدامه لأنك بتعلمه نفس المرض . إمتدح الكل قدامه هيحبهم و يحترمك إنت.
٧- إوعي تتعامل معاه علي إنه ( دمية أو لعبة ) إحترم وجوده وإوعي يشوفكم في العلاقة الزوجية الحميمة. محبكتش إستني لما ينام لأنها مأساة إنه يعتبر ده عادي قبل سن الإدراك.
٨- إوعي تحس إنه إنطوائي و تقول عادي وتنفض لا ( التوحد ) يتعالج لو لحقته بجلسات نفسية في البداية وإلا هتضرب رأسك في الحيط وتقول ياريت.
٩- إوعي تشوفه مابيتكلمش كويس بعد ٣٠ شهر و تسكت بسرعة خده لدكتور نفسي أو متخصص ( تخاطب ) لأن ممكن يكون لسانه مربوط و دا شائع جدا و علاجه سهل عملية جراحية صغيرة و ممكن يكون بسبب إنكم مبتتكلموش معاه ودا وارد جدا.
١٠- أوعي تتخانقوا قدام العيال لأن التفكك الأسري مش بس طلاق و إنفصال و هم بيستوعبوا كل حاجة و بيخزنوها في ذاكرتهم و بتكون ملامح شخصيتهم .
١١- أوعي تلغي شخصيته قدام نفسه أو قدام الناس علشان ده هيصنع منه تابع وغير مستقل.
١٢- أوعي تفرض عليه لعبة معينة أو حضانة معينة لو محبهاش غيرها وهو شايف أحسن منك بكتير.
١٣- أوعي تعاقبه بإنك تدخل أوضة وتقفل عليه و تسيبه منهار لأنك بتأذيه نفسيا جدا .
١٣- أوعي متحضنهوش ع الأقل خمس مرات في اليوم .
١٤- أوعي تعامله إنه مش فاهم حتي لو فعلا مش فاهم .
١٥- أوعي تسيب قرايبك بعد سنتين يشيلوه ع الحجر ( خطير جدا ) لأي سبب نبه ع الكل بلاش حتي لو هيزعلوا منك ( صحته النفسية أهم بكتير من زعل قرايبك )
صديقي و صديقتي الأعزاء قرار إنك تبقي أب أو أم قرار مصيري جدا وتأكد إنك بقرار الإنجاب قررت إنك تخلي قلبك متجول خارج جسمك . طفلك مسئوليتك وهتتحاسب عليه قدام ربنا وصدقني لو أسأت له عمره ما هيعرف يحبك بجد وهيندم إنك والده أو والدته . إهتموا بيهم وهم صغار هيهتموا بيكم جدا وأنتم كبار و عواجيز.
١- بلاش تخلي طفلك يتفرج ساعات طويلة علي كرتون علشان ترتاح من زنه.
٢- بلاش تخلي طفلك يتفرج علي أفلام عنف و رعب .لأنها بتخلق جواه عدائية و عنف بإعتبارهم بطولات.
٣- بلاش تفرض علي طفلك صيام كنوع من إنك تعلمه دا إسمه هبل ( أكل طفلك وناوله ) دا طفل وربنا هيبقي مبسوط جدا بيه.
٤- بلاش تعنف طفلك في الكنيسة علشان بيعمل دوشة ( خليه يحب المكان وبكرة هيحترمه جدا بدل ما ترسمله صورة إن الكنيسة مكان للعقاب )
٥- بلاش تتعامل مع طفلك علي إنه لازم يتعلم تحمل المسئولية والكلام الفاضي ده. شجعه وساعده إنه يكون مبسوط وإعرف إن المسئولية مش دروس و وعظ .
٦- راقب تصرفاته بذكاء وإحترم خصوصيته جدا ودايما تناديه بإسمه .
٧- بلاش تحط طفلك في مقارنات مع حد وتقلل منه . شجعه و أدعم إمكانياته و قدراته فقط.
٨- أوعي تحط لإبنك قدوة معينة ولا مثل أعلي لأنك كدة بتحصره وبتحددله إنه يحقق لك طموحك انت مش هو يعني حضرتك بتلغيه.
٩- اوعي تشوف إن معندوش أصحاب وتسكت وتقنع نفسك إن كدة كويس لا إتكلم معاه وشوف إيه المشكلة و ساعده لأنه ممكن يكون خجله كبر وخلق جواه إنطوائية ودي بداية مشكلة نفسية ممكن تكبر جدا لو كبرت دماغك.
١٠- أوعي تحرجة قدام ضيوف ولا أصحابك بحجة إنك بتعلمه الأدب . هيكره الإجتماعيات بسببك وهيكره صحابك
١١- أوعي يجيبلك حاجة و متشكروش حتي لو كانت فردة شرابك شكرك ليه تشجيع وهتخليه يبقي عايز يخدمك بشغف وهيتعود يشكر كل حد قدمله خدمة.
١٢- بلاش تحكيله عن الموت إلا بعد ٦ سنوات ولو رفض أجل كمان لكن لازم تحكيله .
١٣- أوعي تلبس ولدك لبس بنت ولا بنتك لبس ولد دا إسمه هبل وبتفقده إنه يتعرف علي الفرق بسرعة . علميا طفلك مبيعرفش إنه ولد ولا بنت إلا بعد ٣ سنوات بس انت ممكن تخليه يعرف بعد سنتين بس.
١٤- خليه يشوفك وانت بتقرأ وتصلي و تسمع موسيقي و أفلام و بتلعب و خليه يشاركك لو هو حابب بس بلاش تفرض عليه.
١٥- أوعي تفهمه إن الدين ضد العلم ولا ضد الفن ولا ضد الرياضة . خليه يحب الحياة ويستمتع بيها .
١٦- أوعي تفرجه علي أفلام شهداء في سن صغيرة بحجة الدين . حضرتك علمه إن الحياة منحة من ربنا و مش رخيصة و أجل كلامك عن الشهادة لسن يستوعبك و يناقشك فيه.
١٧- أوعي تشوفه بينام كتير و تسيبه علشان ترتاحوا منه . لو نام أكتر من ١٠ ساعات في سن بعد السنتين صحيه وإتكلم معاه.
١٨- علمه البساطة في كل حاجة و فهمه إن المحبة أهم من أي حاجة.
للحديث بقية……… وأتمني إن السلسلة تكون مفيدة للكل. دمتم أباء رائعين و أمهات جليلات.
من ذكريات ٢٠١٧.

]]>
http://www.ahram-canada.com/165104/feed/ 0
كَسْرِة النِفس لعنة للوطن http://www.ahram-canada.com/165102/ http://www.ahram-canada.com/165102/#respond Fri, 29 Nov 2019 16:12:55 +0000 http://www.ahram-canada.com/?p=165102 بقلم / محفوظ مكسيموس

دائما في مصرنا الحبيبة ما يتفنن هؤلاء الجبابرة الأقوياء فيما يسمي بالدارج ( كَسْرة النِفس) و هو تعبير شائع يعني التسلط لدرجة الإذلال أو التمعن في ذُل الآخر. و الحقيقة هذا ليس بجديد علينا لو إستحضرنا التاريخ الذي يعج بمثل هذه الأفعال من تسخّير الشعب في بناء قناة السويس و مرورا بأساليب المخابراتي صلاح نصر الذي تفنّن في إذلال المشاهير و حبيب العادلي الذي مارس البطش والتنكيل بالشعب لعقود.

و دائما ما يزداد الطغيان و التجبر لأعلي سقف متاح لدي هؤلاء قبل سقوطهم الحتمي وبالرغم من تكرار سيناريو السقوط الذي يعقب الظلم والطغيان إلا أنه دائم التكرار و كأنه درس لم يُستفاد منه.

هذه المرة تعدي البطش والتنكيل و الظلم والطغيان و الفساد كل مستويات ما سبقها في التاريخ و خاصة أننا نعيش في القرن ال٢١ ، حيث العولمة و التكنولوجيا دائمة التطور و السوشيال ميديا الذي جعل العالم قرية صغيرة و أيضا مكن الجميع من التواصل دون عناء و رغم كل هذا التطور الغير مسبوق إلا إن أنظمتنا القمعية لم تغير آلياتها البائتة في إذلال المواطنين و كأن مصر أصابها لعنة اسمها ( صلاح نصر ) أو ( شمس بدران )

فكل يوم تتوارد الأخبار و يُعلن عن إعتقال صحفي و قبض علي حقوقي أو إختفاء كاتب و دائما العامل المشترك بين كل هؤلاء المُنكل بهم هو ( الرأي أو الفكر أو الكلمة ) ثلاث كلمات مفادهم بمنتهي البساطة ( الإنسان ) و بالرغم من الإنفتاحية الغير مسبوق حدوثها في عالم الصحافة و الإعلام إلا أن تلك الوظائف في مصر أصبحت ( High risk jobs ) أو وظائف محفوفة بالمخاطر نظرا لما يتعرض له هؤلاء من إذلال في حالة عدم الولاء للأسياد!!!!
لكن القراءة المتمهلة لوريقات التاريخ المعاصر تؤكد بيقين بالغ أن سرعان ما تقضي الأنظمة الفاشية علي نفسها بعد وصولها لسقف ما فيطفح الكيل بالشعب المسكين و تحتقن الشوارع و تئن النواصي فيسقط الفاشي الغاشم و يكون سقوطه عظيم.

علهم يدركون سريعا خطورة ما يفعلون من تكميم الأفواه و قطع الألسنة و كسر الأنفس قبل فوات الأوان.
#الحرية_للصحفيين
#الحرية_للإعلام
#الحرية_للحقوقيين
#الحرية_لرامي

]]>
http://www.ahram-canada.com/165102/feed/ 0
رامي كامل تهمته إيه؟؟!! http://www.ahram-canada.com/164855/ http://www.ahram-canada.com/164855/#comments Sat, 23 Nov 2019 08:57:49 +0000 http://www.ahram-canada.com/?p=164855 بقلم / محفوظ مكسيموس

أصبح القبض علي كل لسان معارض من

مظاهر النظام الحالي الحاكم لدرجة تذّكرنا بحقبة عبدالناصر

بقيادة شمس بدران و المثير للغثيان

أن التُهم المُوجّهة لجميع من قُبض عليهم

هي تكدير السلم، نشر أخبار كاذبة، ( الإنضمام لجماعة إرهابية )

و سرعان مايتم الإعلان عن هذه التهم المضُحكة وكأنهم يخرجون لنا ألسنتهم.

رامي كامل تم إقتحام شقته في نفس الوقت

الذي تم القبض فيه علي شادي زلط الصحفي و المحرر

ل مدي مصر و بنفس تفاصيل القبض عليه !!!!

رامي كامل ناشط حقوقي مهتم

بالشأن القبطي و دائما ما يندد بالظلم

و معروف عن رامي أنه لا يتواني في نصرة المظلوم

و دائما ما يبحث عن الحقيقة ولا ينشر أخبار كاذبة.

#الحرية_لرامي_كامل

]]>
http://www.ahram-canada.com/164855/feed/ 1
Free Ramy Kamil http://www.ahram-canada.com/164849/ http://www.ahram-canada.com/164849/#respond Sat, 23 Nov 2019 08:35:59 +0000 http://www.ahram-canada.com/?p=164849 Mahfouz Maximous

URGENT: Statement regarding the arrest of Human activist: Ramy Kamil

Our colleague Ramy Kamil has been arrested.

In the early hours of November 23, security forces knocked loudly on the door of Ramy’s home in Cairo, where he lives with his sisters.

They said they were looking for Ramy and did not identify themselves or present an arrest warrant. Four plainclothes security officers entered the apartment, while a number of uniformed, armed security forces waited outside.

The officers detained Ramy, confiscating his laptop, as well as his sister’s, and taking a number of documents related to his work such as Property contracts and some of his books from his bookshelf. They didn’t allow him to bring his medications as Ramy got Asthma.

Earlier this month, security forces approached Ramy’s building three separate times in a single night and questioned the neighbors about Ramy’s apartment, his sister and his work nature.

Ramy is 34 years old and has been working as a Coptic activist and he is the Founder of Maspero’s Youth Association.

We hold Egyptian authorities responsible for his safety and well being and call for his immediate and unconditional release .

#FreeRamy

]]>
http://www.ahram-canada.com/164849/feed/ 0
احنا مش متنمرين خالص http://www.ahram-canada.com/164767/ http://www.ahram-canada.com/164767/#respond Thu, 21 Nov 2019 16:13:44 +0000 http://www.ahram-canada.com/?p=164767 بقلم / محفوظ مكسيموس

حادثة جون الشاب السوداني و اللي إتعاطف

معاه كتير من الناس ع الفيسبوك بسبب

( التنمر و العنصرية ) أنا شايفها حادثة عادية جدا و طبيعية جدا

و أقل حاجة عندنا و بلاش كم المثالية و الإنسانية

الغير متوافق أبدا مع طبيعة شعبنا.

إحنا شعب مش بس عنصري و طبقي

و متنمر ضد الأجانب. لا حضرتك إحنا أساسا شعب

كله عنصري ضد بعضه و طبقي من الطراز الأول و متنمر علي نفسه.

إحنا الشعب الوحيد اللي بيقول

فلان ده ( إبن ناس ) و فلان ده ( فلاح )

و سيبك منه دا ( عربجي ) وعارف الواد المسيحي

والبنت السمرا و حتي المرضي يا مؤمن لم يأمنوا

من تنمرنا و طبقيتنا لدرجة مرضي متلازمة داون

بنقول عليهم المعتوهين و مريض التوحد ( عبيط )

و مرضي الصرع ( مجانين ).

و حتي الناس اللي عندهم Cretinism خلل

في الغدة الدرقية بتسبب لهم تقزم بنقول عليه ( عبيط )

إحنا اللي سبنا موهبة أحمد زكي العبقرية و أطلقنا عليه ( الفتي الأسمر ) كنوع من التكريم و لما كنا بنحب نشتم شيكابالا ( اللاعب الموهوب ) كنا بنشتمه بلونه.

إحنا الشعب اللي بيقول ( واحد صعيدي ) في بداية كل نكتة و الصعايدة شايفين سكان القاهرة عيل نايتي و فافي و تافهين و أولاد القاهرة شايفين الصعايدة مابيفهموش.

إحنا الشعب الوحيد اللي بيقول ( إنت نسيت نفسك ولا إيه ) و ( إنت ماتعرفش إنت بتكلم مين؟ ) و ( الله يرحم أبوك كان……. ) السيساوية شايفين الإخوان ( خرفان ) و الإخوان شايفين السيساوية بهايم.

يا راجل دا إحنا لما بنحب ننصف المرأة في خناقة بنقول ( خلاص يا عم دي واحدة ست ) و لما بنحب نتعاطف مع مريض نفسي بنقول ( معلش دا عبيط ) و لما بنحب نعبر عن تكاتف الشعب المصري بنقول ( عنصري الأمة ) !!!!

إحنا الشعب اللي حتي دور العبادة فيه بتصنف الناس لدرجة أن المقاعد الأولي دايما محجوزة ( لصفوة المجتمع ) رغم ان تعبير ( صفوة المجتمع ) تعبير طبقي بإمتياز بس مش مهم.

إحنا الشعب الوحيد اللي بيستعمل بعض المهن المحترمة كشتيمة ( فلان ده فلاح ) و ( علان ده عربجي ) و كفتجي و طعمجي و طواب و بواب و خدام. إبن المدينة شايف اللي جاي من الأرياف جاي من ورا الجاموسة وإبن الأرياف شايف إبن المدينة مستهتر و طايش و فلاتي.

المسلمين شايفين أنهم ( الأعلون ) و المسيحيين تأكدوا أنهم ( المُضطُّهدون ) و كل واحد من الطرفين متأكد أنه هو بس اللي معاه مفتاح الجنة و كل دين قسم نفسه طوائف وكل طايفة شايفة نفسها علي حق و الباقي على باطل.

إحنا الشعب الوحيد اللي إدي ألقاب عظمة لرجال الدين مسلمين ومسيحيين( فضيلة ، قداسة ، سيدنا و مولانا ) و دايما الأغنياء بيخافوا من الفقراء و الفقراء شايفين أن كل الأثرياء حرامية و لصوص.
إحنا الشعب الوحيد اللي التنمر عنده أسلوب حياة و العنصرية دين و الطبقية حق و التنوع الطائفي بدع و هرطقات !!!

]]>
http://www.ahram-canada.com/164767/feed/ 0
بمناسبة عيد ميلاد دكتور مجدي يعقوب http://www.ahram-canada.com/164684/ http://www.ahram-canada.com/164684/#respond Wed, 20 Nov 2019 14:32:11 +0000 http://www.ahram-canada.com/?p=164684 بقلم / محفوظ مكسيموس

لم يبني كنيسة أو مسجد ، لم يعتلي المنابر لإلقاء خطب رنانة أو عظات نارية ، لم و لن تراه يتحدث عن الدين و لا يقبل أن يوصف علي أنه طبيب قبطي مسيحي بل دائم الفخر بمصريته فقط و عندما لمع صيته في الخارج و حصل علي كل الألقاب و الجوائز العالمية رجع إلي بلده و صمم صرح إنساني عظيم لعلاج مرضي القلب ليخدم بإنسانيته الإنسان وحسب.

لم يلتفت إلي تكفيره من أعداء الإنسانية ولم ينساق وراء فكر طائفي كإنشاء مستشفي قبطي أو مركز طبي يخضع للكنيسة . فقط ما يشغله هو الإنسان دون النظر إلي دينه و جنسه ولونه.

جسد السير مجدي يعقوب وصايا الإنجيل عمليا دون أن يرتدي عباءة رجل دين فنفذ كلمات السيد المسيح عندما قال( إذا أحببتم الذين يحبونكم فأي فضل لكم ).

السير مجدي يعقوب رمز للعطاء بسخاء و نبراسا للمحبة الخالصة .
أحب العلم فأحبه العالم أجمع ليؤكد لنا جميعا أن العلم فقط هو الحل الوحيد الأوحد لإصلاح المجتمعات و رفعة الأمم .

العلم الذي يجرد الإنسان من طائفيته و يجعله فقط إنسان حقيقي غير مشوه .
سيدي الدكتور مجدي يعقوب أنت الذي قيل عنك وعن من يسيرون في ركابك ( و يروا أعمالكم الحسنة و يمجدوا أباكم الذي في السموات )

بمناسبة عيد ميلاد دكتور مجدي يعقوب ( ٨٣ سنة )

]]>
http://www.ahram-canada.com/164684/feed/ 0