الثلاثاء , مارس 19 2024
مدحت عويضة

فاكسات مهاجر يرسلها : مدحت عويضة

السيسي

كل مؤيديك من الفلول….

ياريس لو فيهم خير

كانوا نفعوا مبارك

***********************

ستات مصر

السيسي بيقولكم أقفوا جنب مصر…

خليكي أصيله منك ليها

وقولي له جوزي إللي أشتري الحلق.

***********************

الحكومة المصرية

بدل ما تطالبوا

الغلابة بمساندة البلد…

اخصموا شهر من كبار الموطفين

ولا هم مش مصريين يعني؟؟.

***********************

ترامب

كل الظروف بتلعب لصالحك

إلا لسانك

بيلعب لصالح هيلاري كلينتون.

***********************

الشهابي

قول الحق رفضك

للسلام علي الإسرائيلي

لأنه إسرائيلي ولا علشان طحنك

وهرك عضمك وكسبك 100-0؟؟

***********************

الأوليمبية المصرية

مافيش مسيحي واحد في البعثة…

الأقباط كلهم معوقين

طيب حتي في بعثة المعوقين

لم يكن هناك مسيحي واحد. 

***********************

إكرامي

رفضت الطفل مينا ل

أنه أسمه مينا!!!.

طالما فيه متعصبين زيك

في مجالات كتيرة

هنفضل وري في الترسو.

***********************

الطابور الخامس

وأنت بتهاجم إللي يدافع عن المظلومين

وبتجامل النظام خلي بالك فيه قلب مكسور

ممكن يسمعك أو يقري كلامك

ويرفع عينيه للسما ويقول روح منك لله.

***********************

إبراهيم عيسي

أقباط كتير شتمونا علي مظاهرة واشنطن

وأنت ساندتنا حقيقي

أنك إنسان مصري أصيل كشفت الخونة.

***********************

منظمات أوربا واستراليا

الدفاع عن المظلوم مش مكانة الفيس بوك

وصفحات الجرايد مكانه الشارع

ولو مافيش عندكم رصيف

مستعد أعملكم رصيف في كل بلد.

***********************

سليم نجيب

أزمة أقباط المنيا أثبتت

ان كندا ليس فيها من يدافع عن الأقباط غير أولادك…

الهيئة القبطية دعوة والدعوة لا تموت

وإللي خلف مش بيموت يا عمنا.

***********************

بشار الأسد

تركيا والسعودية بيتقربوا

لبوتين خوفا من فوز ترامب…

فعلا دماء السوريين لعبة

في أيدي التوازنات الدولية القذرة.

***********************

الشعب المصري

قولوها صوتي يا إنشراح

إللي جاي أنيل بكتير من إللي راح.

***********************

منير مجاهد

مسلم وتعمل وقفة في مصر

ومؤتمر لرفض قانون بناء الكنائس

وفيه أقباط يهللوا للقانون

أحنا مش بينا طابور خامس

لا بينا معدومي الضمير.

***********************

شاهد أيضاً

عز توفيق

في علم الطاقة البشر ثلاثة أنواع

عز توفيق النوع الأول تشحن منه طاقة إيجابية بمجرد سماع صوته أو التعامل معه .. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.