الثلاثاء , نوفمبر 29 2022
ميلاد موريس

“قصيدة لسة باقي”.

بالعامية المصرية
بقلم : ميلاد موريس
لسة باقي لسة رغم البُعد شاري
لسة قلبي برضه عايزك عمره ماتعلق بغيرك
لسة بفتكر الزمان اللي ياما لمنا
واتلاقينا ف وسط ناس ملهاش عدد.. كله خيرك
ايوة خيرك مانتي كنتي ف وسطنا حبة امل
وقت ما الدنيا تِقَفل كنا نجري ونحكي هم
كنتي تيجي وتسمعي حبة فضايح وتستري
انتي ف الدنيا جميلة وعمر مرة ماكنتي وهم
كنت بعشق ضحكتك وكنت برضه بحب عينك
كنت بالنسبالي حب وعمري مرة ف يوم ماهينك
كل مرة اجي احبك ترفضي رغم المشاعر اللي بينا
قوليلي طيب ليه رفضتي وليه متعلقناش بغيرنا
مانا قولتلك زمان انا روحي فيكي وانتي قلبي
والقلب لو بعيد عن روحه مش بيقدر يوم يعيش
ليه قولتيلي افكر كل مرة تعلقيني عيشت حالة م الوجع
خلتيني ف عز ضعفي اكون قوي وبقيت مفيش

شاهد أيضاً

بحضور محمد مظهر وشيماء أبو اليزيد..”العمران الحديثة للغات” تحتفل بأعياد الطفولة

في أجواء تسودها البهجة والفرحة وبحضور نائب رئيس مجلس الإدارة محمد مظهر عمران..بدأت مدارس العمران …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *