الجمعة , مايو 14 2021
وزير النقل

الدكتور عماد فيكتور ورسالة الى وزير النقل .

مقالتي اليوم اعزائي القراء اهديها الي الوزير جلال السعيد وزير النقل وهو من الوزراء القلائل الذي لايقال عنه كبقيتهم وزراء علي ماتفرج…..!! لكونه حافظ ارقام وتواريخ استلام الطرق من الجيش وكمان بينزل يتابع بنفسه ويمكن هيئة الطرق عدلت نفسها شوية بالرغم من كونها الاخري هيئة علي ماتفرج والدليل الفرق الواضح بين طريق الجيش من الكريمات حتي عرب اسيوط وكمالته من تنفيذهم حتي قنا تعرفوا قد ايه هيئة علي ماتفرج!!!!!!
واكلمه واكلمكم عن طريق قنا سفاجا باسئلة:_
١) التزمتم سيدي الوزيرأن ينتهي الازدواج اول اغسطس وان كان في العشر الاوائل منه. شكلا لكون الخمسين كم قبل الكيلو ٨٥ وحتي طريق الصعيد البحر الاحمر لاتزال مزدوجة للذاهب من قنا الي سفاجا لعدم وجود ريست علي الطريق الراجع من سفاجا.يعني عملتوا المائة واربعين كم وغلبتوا في الريست !!!!!
٢) مامعني أن يكون الطريق المفرد بعد عمله سرعته تسعين كم/ ساعة وعليه رادار كان بالاولي ارفعوه لمائة وعشرون والمزدوج خلوا سرعته مائة لان الحوادث كلها علي المزدوج ولا احنا حافظين مش فاهمين!!؟ لانه نفس المنطقه التي قبل سفاجا عليها الرادار منذ ذمن الطريق الرايح جاي اعني الطريق الواحد!!!!!!
٣) لابد أن يكون هناك توافق بينكم وبين الداخليه في هذا كون الطرق تخصكم والرادار يخص الداخليه اللي ربنا يهديهم ويفهموا بدل مايحفظوا كما ذكرنا.
٤) لتقدم مصر لابد من العمل في كل المحاور مثال لما نعمل طريق لازم يبقي شامل خدمات يعني الطريق ده رايح جاي اي طريقين مش عليه محطة بنزين واحدة!!!! وكمان كما ذكرنا لايوجد ريست للراجع من سفاجا مما يجعل الرجع يسلك العودة من الرايح لسفاجا يعني فقدنا ميزة الازدواج …..اتقوا الله في مصر ابها المسئولين لانكم ستسألوا عنها يوم الدين ولن يكون هناك شفيع او عبارة مسئول علي ماتفرج …كلكم راع وكلكم مسئول عن رعيته مش كده ولا ايه.
د.عماد فيكتور سوريال. ٠١٠٠٦١٧٤١٧٥

شاهد أيضاً

بالفيديو جنازة الراهب اشعياء وحضور شعبى مكثف

حضور فيما لا يقل عن عشر اباء كهنة فى جنازة الراهب اشعياء وحضور شعبى مكثف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *