جريدة الأهرام الجديد الكندية 
مقالات مشابهة
يا طرق ع الزحمه
ف مليون محتاج
نفسه يشتري لحمه
اسف ع الإزعاج يا مرور
ع العربيات والقطور
والاتوبيسات وزنقتها
والحوادث وصدمتها
وع الكباري والبنات
والتحرش بالستات
وع الناس الفقيره ف الشارع
نفسها تعيش ف نبات
شعب وضيق وزعيق
وثوره عدت ف ثواني
ويجى رئيس والتاني
والبلد زي الدقيق
كله بيعجن فيها
ع الشكل اللي ع مزاجه
عشان يلبي احتياجه
وقال ايه عايشين ليها
يا مصر انا ابنك
ف حبك ارتبيت
وعشت علي نيلك
وغيرك ماليش بيت
اكتب اليوم عنك
بسبب ظلم الدهر ليكي
وانا دايما سندك
وبروحي افديكي
يارب انا ف حب مصر
بدعيلك تحميها
وتخليها شبه قصر
وتحميلنا اراضيها
وترجع روح الوطن
وتعلي مصر بين الامم
كعصر فات من الزمن
كنا فيه من الهمم .
#محمد_محمود
