الخميس , يوليو 18 2024

قصيدة “خايفة الوجع” .

الــشــاعـــرة مــادلـــين انـــيــــس
الظاهر ابان جامدة قوى ..
رغم ان انا ,,
اقل كلمة تهزنى ..
وتهدنى ..
انا حد خايف م الوجع !!
وعشان كدة ..
قافلة على قلبى البيبان ..
ومسكرة اقفاله كمان ,,
مش عايزة حد يلمسه ,,
اصله رقيق طيب قوى ..
ومالهوش فى الزيف والخداع ,,
ولا حتى ليه كمان فـ اللوع ..
وعشان كدة ..
خايفة الوجع ,,
اية يا جدع ؟؟
هو ماليش حق ان اخاف ..
على قلب عمره فـ يوم ما شاف ..
حاجة م الاحبة تبل ريق ,,
دول كلهم !!
مشيوا فى مشوار الهوى ..
ورجعوا فى نص الطريق ,,
سابوا الايدين ..
اللى كانت متشبكة ,,
سابوا اثر ..
على خدودهم م البكا ,,
انا مش بتكلم من فراغ ..
انا حد سامع من زمان ,,
على حكاوى مؤلمة ..
وعشان كدة ,,
عمرى ما هاسمح حتى يوم ..
انى اعيش حالة وجع ,,

شاهد أيضاً

تفاصيل الحكم النهائي الصادر في حق القاضي قاتل زوجته “المذيعة شيماء جمال”

أمل فرج  أصدرت محكمة النقض المصرية، الاثنين، حكمها النهائي بإعدام المتهمين أيمن عبد الفتاح، و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.