الجمعة , ديسمبر 9 2022
نصر عوض

قصيدة “ولا لوني ولا منظري”

الــشـــاعر نصـــــــر عـــــــوض
ولا لوني ولا منظري
ولا تبقي يوم عنصري
مخلوق وليه تفتري؟
الاسم بني ادمين
شكلك كما شكلي
ف سعادتي ومشاكي
ف حياتي وف اكلي
جينا الحياه وماشيين
عقلك صحيح غالب
ما تخلهوش سالب
بالتسويه طالب
اصل الحياه دي يومين
ومركبه وتمشي
علي ايه ما تخسرشي
يهمك في شئ وشي
او ف البطاقه انا مين؟
انسان برئ زيك
من درب غير حيك
وبالسلام جايك
وبالخير كمان عايشين
لا يهمني دينك
عمرك ولا سنينك
شايف الحياه ف عينك
وانا وانت اه لاجئين
اغسل ف يوم قلبك
واسأل عجوز قابلك
الكره ايه جابلك؟
تراب واصلك طين
يا عم ليه غرورك؟
بكره اكيد دورك
والموت ده ح يزورك
وكلنا رايحين
صلي بقا وارجع
ولا ف شئ تطمع
محبه خير ازرع
تحصد سعاده سنين

شاهد أيضاً

المسرح المدرسي يشهد احتفالات الطفولة لعام ٢٠٢٢

كتب /عبدالحق عبده فى اطار الاهتمام بالطفولة شارك التوجيه المسرحى لمديرية الاقصر التعليمية احتفالات مدارس …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *