السبت , مايو 15 2021

“قصة قصيرة”

بقلم : مـــيــــنا نصـــير
كنت قاعد فى كافيه وبشرب شاى ، وقاعد جنبى شاب بيشيش وبعد شوية جاله واحد صاحبه وكان باين عليه الفرحة قوى سلم عليه وقعد معاه…..
انا مش من طبيعتى الفضول ولكن شدنى الحوار إللى كان بينهم الشاب اللى دخل كان بيقول لصاحبه انه عاوز يخط البنت اللى كلمه عنها لكن اللى فاجنى رد صاحبه ياعم هاتخطب بنت شمال ليه فساله……
– شمال ليه ياعم انت تعرفها اصلا
– لا بس انت قولت انك اتعرفت عليها فالجامعة
-ايوه اتعرفت عليها فالجامعة وأيه المشكلة فى كده
-يابنى اللى زى دى اصلا بتكون رايحة الجامعة علشان توقع الشباب وتصاحبهم وانت عارف يعنى…! وبعدين انت قولت لى انك كنت بتكلمها على الفيس.
– ايوه بس بحدود لا كنت بكلمها فوقت متاخر مثلا ، ولا كنت بكلمها فحاجة غلط ، دى اصلا متعرفش انى معجب بيها.
وانا عاوز اعرف رايك لان رايك يهمنى
-وانا بقولك خليك بعيد عن البنات دى أحسن
انا بصراحة كان نفسى اقوم اضرب الشاب ده ؛ بس اللى خلانى مقدرتش اقوم ، وافهم هدوء صاحبه رده عليه….
على فكرة هى محترمة جدا وانا بحبها وبحترمها جدا ،لانها انسانة فعلا أخلاقها عالية وبحترم اخوها وبحبه زى أخويا بالظبط…
-انت تعرف أخوها ….!!!
-أيوه اعرفه لانه صاحبى وأخويا كمان
أنا بحب أختك ونفسى ارتبط بيها….
متحكمش على اى حد وانت اصلا متعرفهوش

شاهد أيضاً

مولد سيدى الراهب المشلوح

بقلم الدكتور عماد فيكتور سوريال في الحقيقة لم اعد انتظر للغد لموعد مقالتي بهدوء لأكتب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *