الجمعة , مارس 29 2024
شــــريــف عـــاطــف

قصيدة “بنقابل ناس” .

الشاعر شــــريــف عـــاطــف
بنقابل ناس وتودعنا
وتسيب ف قلوبنا كتير بصمات
كُتر التفكير أصلاً لعنه
علشان بيفكرنا بحكايات
كان نفسنا تكمل ونكمل
ونعيش مع بعض أحلى الاوقات
ونعدى عيوبنا ونتحمل
ده مفيش علاقات مفيهاش خلافات
كتر التفكير اصلاً لعنه
مبقتش الأحضان بتساعنا
كتر التفكير ده بيوجعنا
وتملى بننهى اليوم بعياط
كُتر التفكير فى حاجات فاتت
إنتَ إتمسكت وناس سابْت
إجمد وياريت تفضل ثابت
مش لازم تضعف وتبين
بتفكر فيهم وليللاتى
الخوف بيصاحبَك ويزاملَك
وإن جيت وحكيت عن حكاياتى
هتلاقى صحابَك بتجاملَك
وتقول معلشى المعتاده
ده مفيش منّها أى إفادة
قال يعنى تطيب على خاطرّك
ده يدوب بتضيف هم لـ قلبَك
كُتر التفكير مفيهوش راحه
حاول تتفاهم مع عقلَك
كلمه من قلبَك بـ راحه
والماضى إرميه من ورىَ ضهرَك

شاهد أيضاً

ليلة أخرى مع الضفادع

في ضوء احداث فيلم الوصايا العشر بشأن خروج بني اسرائيل من مصر التى تتعلق بالضربات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.