جريدة الأهرام الجديد الكندية 
مقالات مشابهة
مافيش فايدة ياناس مَاليت
من العيشه وحقيقي ناويت
علي الغُربَة ومش راجع
ومن وشِك خلاص هَجيت
أدي الباسبور وادي الشنطة
كفاية بقي كده أوَنطة
يامركب تايهه في التوهة
حياتي فيكي كانت غلطة
في قاع القاع دهور عايشين
وحالنا ضَياع وكدب سنين
يا أم الدنيا بقي كفاية
هنستعبط كتير !! علي مين ؟؟
خربتوا عقولنا بالشعارات
كلام فاضي لناس أموات
تاريخ مغلوط ومتزَييف
ومتظَبَّط ومتأييف
وطعمُه ما عادش بيكَييف
زهقنا خلاص من البوهَرات
كلامي واضح ومش تخاريف
ماليش في اللف والتأليف
ولو حتي كرهتوني
وبالمجنون وصفتوني
ماعادش يهم،،قرفتوني
خنقتوني بأم الزيف
وجوَّه القلب نار قايدة
ونفسي بالشجون زايدة
وقولت كتير هَتتعَدل
من الآخر مافيش فايدة
*** مافيش فايدة ***
ميلاد ثابت إسكندر
فنان تشكيلي
