جريدة الأهرام الجديد الكندية 
مقالات مشابهة
اكيد حضرتكم عارفين ان النقطة تفرق كتير . والنقطة هنا لا يداويها طبيب اقصد النقطة في مجموعة التصفيات المؤهلة لكاس العالم .
لو تحدثنا عن مباره كرة القدم بين منتخب مصر ومنتخب غانا التي انتهت بفوز المنتخب المصري العظيم صاحب الانجازات التي لا تحصى ولا تعد فلن نكتفي .
وتعالت الهتافات والتعليقات وامتلت الميادين بالأغنيات ونسينا وقتها كل الأزمات وتحيا مصر كان الشعار المتفوق علي كل الاشعارات .
ولا ننسى ان الفرحة زلزلت موقع التواصل الاجتماعي الفيس بوك . ولكن لا تدوم الفرحة والكلام عنها اكثر من ثلاث ايام .
وهنا يأتي في رأسي سؤال .
لماذا انتهت الفرحة اقوام ؟
الجواب لأننا شعب عمال لا يهتم بالكلام نحن شعب شغال لا يفرق معنا من قيل ولمن قال .
وعاد الهدوء علي موقع التواصل الاجتماعي من جديد .
الي ان زلزل للمرة الثانية في اقل من شهر ولكن هذه المرة كانت من اجل #مجدي_مكين .
وتعالت الصرخات وكثرت التعليقات ولا ننسى ايضا ان من لا يهتم باللايكات اعطي لايكات وبعد ثلاث ايام او يمكن انهم كانوا ثلاث ايام ونصف عاد الهدوء للمرة الثانية والسبب واضح وصريح . وهو كما ذكرت . واذكر دائما لأننا شعب شغال يهتم بالعمل ولا يهتم بالأقوال .
وهنا اجد سؤال اخر يدور بعقلي .
هل نحن منتظرين اللقاء القادم لمنتخب مصر لكي تعلوا الهتافات ؟ هل نحن منتظرين مقتل شخص اخر حتي تعلوا الصرخات ؟
عليه العوض في اللي عايش والبقاء لله في اللي مات .
ودقيقة حداد
دقيقة حداد علي مجدي مكين
وسنين ف عذاب ع حال المصريين
دقيقة حداد علي شعبي بنات وبنين
دقيقة حداد يا مصريين
دقيقة حداد علي شهداء التحرير
دقيقة حداد يا مسلمين
ودقيقة حداد يا مسيحيين
هي دي اول مرة يقع منكم
واحد وتبكي علية العين
مأنتم ياما وقع منكم ملايين
وديما راضيين وشكرين
واهم شيء التسامح ده كلام الانجيل
ونحافظ علي بلادنا ونصلي جميعا
وانا معاكم راح اقول اميييييين
دقيقة حداد علي شهداء ليبيا
دقيقة حداد علي الواحد وعشرين
وتعالوا نحكي الحكاية
نكتب سطرها من البداية
بس سؤال صغير للسامعين
مين فيها الخائن ومين فيها لسه امين
لما تتغير الآية وتنقلب الموازين
لحد امتي كل يوم احكي حكاية
لحد امتي يصرخ جوه البطن جنين
نداء الي سيادة معالي الوزير
كتر من المرتبات وزود النياشين
ويا ريت تغير الاسماء
لان الامين مبقاش امين
دقيقة حداد علي العم نجم
والابنودي وعبد الحليم
دقيقة حداد علي الاعلام
علي الادباء والمفكرين
علي الشعراء والثقافيين
دقيقة حداد علي الاخلاق
اللي تاهت من سنين
ويا رب تكمل سطوري
علي خير من غير اه وانين
ولا يتكتب عني اني كنت واحد
من الخائنين او من الظالمين
الدين لله والجنية عائم
والوطن غرقان في مية النيل
والحمد لله بقينا زي بعض
الكل بيقول لله يا محسنين
دقيقة حداد يا مسيحيين
دقيقة حداد ع مجدي مكين
دقيقة حداد علي حالنا يا مصريين
لو كان لسه في مصريين
#رزق_عبدالله
