الثلاثاء , أبريل 23 2024
مدحت عويضة

فاكسات مهاجر يرسلها : مدحت عويضة

السيسي

لو كان إعلام الفلول منه فايدة كان نفع مبارك صدقني دول ضررهم أكتر من نفعهم.

المخابرات المصرية

وأنا أتابع الأخبار اللي طالعة عن جبل الحلال كأني بسمع أحمد سعيد سنة 1967 وهو بيقول طائرات العدو تتساقط كالذباب فوق بحيرة البلاح.

اللواء أحمد وصفي

وعدتنا تسلمنا سيناء متوضية بعد شهر فات أربع سنين مش ناوية تتوضي خالص ولا هتركعها.

بشار الأسد

إللي بيحصل في سيناء خلاني أقول والله بشار الأسد ده بطل الأبطال.

بوتين

بيقولوا انت إللي سقطت كلينتون طيب تعالي سقط لنا تردو الله يسترك.

جاستن ترودو

حد يبدء علاقته برئيس أمريكا المحتمل بالتريقة عليه يا شاطر.. أهو ترامب مش ناسيهالك وهيطلعه علي جتتك وجتتنا.

مرشحي المحافظين

لا يهمني من منكم سينجح لقيادة حزب المحافظين ولكن ما يهمني أن إللي يكسب فيكم يكون قادر علي هزيمة تردو.

مرتضي منصور

جمهور الزمالك زعلان مني أنب بفكسك.. قلت لهم أنا ومرتضي مدرسة واحدة بس أنا نطيت السور لما نويت ألعب سياسة.

حسام البدر ي

مالي أشتم رائحة خريفك قبل ربيعك يا فتي؟

اللواء خليفة حفتر

شغال تحرر ليبيا الله يعونك لكن وحياة والديك لما تحررها أعمل زي سوار الذهب علشان تحفظ كرامتك.

الدكتور علي عبد العال

انا عايز أعرف تاريخك قبل ما تبقي رئيس البرلمان أنتي كنتي تشتغلي إيه؟

جرجس بارومي

كل ما يصدر قرار عفو رئاسي أدور علي أسمك مش لاقيك يا غلبان……. فعلا الأقباط يعيشوا عصرهم الذهبي.

سحر نصر

توليتي مسئولية 3 وزارات مرة واحدة ليه سوبر وزيرة ولا من قلة المنافقين في البلد؟؟

نجيب ساويرس

بعدرفض طلبك لرفع الحصانة عن علاء عابد ياريت تفهم أن مشكلة حزبك حلها مع الرأس الكبيرة مش مع عابد.

أردوغان

تصريحك أن المانيا تتدعم الإرهاب أسعدني لأنه معناه أنك بقيت تتكشف علي حقيقتك للعالم.

شاهد أيضاً

الحرحور والجحش وحمار الحكيم…

الذكريات كتاب مفتوح ووقائع مازالت تحيا فى القلوب وبقاياها يعشش فى العقول ، وعندما نسافر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.