الجمعة , مارس 29 2024

!!! سعف النخيل بقي لونه دم !!!

رايح كنيستي ، يافرحة زيدي ، في إيدي سعفي واليوم ده عيدي
شايل في قـلـبـي يارب لـيـك ،،، دعـوات هَـسـيـبـهـا بين إيـديـك
عـشـان ولادي وكـمـان بلادي ،، احـفـظـهـا ربـي جـوَّه عـنـيـك

ووصلت ووقفت في مكاني ،، والناس كتيره أهـلي وجيراني
صلوات طويلة ألحان جميلة ،، تعـزي روحـي تنعـش كيـاني

شامم كمان ريحــة بخور ،، م الشورية طالع عـمَّـال يـدور
مالي المكان إحساس أمان ،، دي ريحته ولا أزكي العطور

غَمضت عيني وبدأت أصلي ،، وأقول ياربي أرجوك تخلي
عـيـنـك علينا حـبـك مالينا ،، امسـك إيـديـنا يا يســوع تَـمَـلي

فاتت دقايق أو سـاعات ،، ما دريتش أنا بوقـتي إللـي فـات
أيه إللي كان !! وقف الزمان ،، هَيمان في أحلي التسبيحات

وسمعت فجأة تفجير شديد ،، وصوت صراخ عمَّال يزيد
أشـلاء ودم في كل حـتـه ،، أصـوات بتعـلـن عـن شـهـيد

سعف النخيل بقي لونه دم !!! طفلة شهيدة في حضن أم
وفرحــة العـيـد السـعـيـد ،،، اتحـولـت لـدمــــوع وغَـم

طب مين يقولي ده كله ليه ؟! والجاني هان إزاي عليه ؟!
يموت ويقتل ناس بريئـة !!! يا خلق قولوا ده فكره أيه ؟!

للدرجه ديا العقل غاب ؟! مش ناس عادية دي وحوش في غاب
شهوات رَدية ، لو 100 حورية !! أنا ذنبي أيه أحيا في عذاااب
****************
ميلاد ثابت إسكندر
فنان تشكيلي
وأشكيلك

شاهد أيضاً

ليلة أخرى مع الضفادع

في ضوء احداث فيلم الوصايا العشر بشأن خروج بني اسرائيل من مصر التى تتعلق بالضربات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.