الجمعة , مارس 29 2024
عبدالرحمن السموري
عبدالرحمن السموري

(قصيدة خانة الـsearch)

سبب الحزن اللي مغطيك
أول حد في خانة الـSearch
احذف……
احذف معلش
العالم أوسع وبدنها هتعيش مبسوط
حزنك مغلوط
ماهياش فاكراك ،فِكرك شايفاك !!
حزنك فـ Track
حفظّته لكل السميعه
كان حزنك موضة وتقليعه
راحت ببلاش ،
الوقت …….
الوقت ماجاش!!
وإيدك تركتها إيديها
حتي عنيها اتخبت منك مش وياك
كل السميعه
زهقوا وتركوا طريقك مهجور
كان ليه النور عدي قصادك
وماعدتهاش !
ماهياش فاكراك ،الوقت معاك
تقدر تنساها وبالتدريج
تدّريك الفرح ماهوش تهريج
والسرحان جوا مراية
بصت لنفسك فـ المراية
حكت المراية تفاصيل حكاية مابتنتهيش
عجزت فـ شكلك وهدومك
وهمومك برفان لمهرج بان مكسور
كان ليه النور عدي قصادك
وماعدتهاش !
ماهياش فاكراك ،اسمع تلقاك
مش نايم مـالحظة إياها
من ست سنين
من يوم ما فارقت هواها
مش عايش زي البني آدمين
سكنت فـ قصور جوا خيالك
حفرت فـ قبور وأد عيالك
أولالك تنسي وماتعشهاش
ماتعيشهاش مشروع كاتب
كاتب علي قلبه ماهوش للبيع
إلا هواها ……
كنت وراها ومش مرغوب
محبوب من كل اللي معاها
إلاها ……
د/عبدالرحمن السموري

شاهد أيضاً

ليلة أخرى مع الضفادع

في ضوء احداث فيلم الوصايا العشر بشأن خروج بني اسرائيل من مصر التى تتعلق بالضربات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.