جريدة الأهرام الجديد الكندية 
مقالات مشابهة
موجز الأخبار
بقلم . شحات عثمان ـ كاتب و محامي ـ
مرحبا يا اسيادنا وسيداتنا
معاكم فى نشرة اخبار اخر النهار
وهنبدأ مع الموجز وأهم عنوان
عبدالعال عقله وجعه وراح المرستان
وندخل بسرعه ع التفاصيل
ومعانا من هناك مراسلنا الزنان من قلب المكان
مساء الخير عليكم يا فاكرين أنكم بواقي أنسان
انا هنا فى قلب المكان اللى اسمه المرستان
وأتضح انه مليان اشكال والوان
أستقبل السكان عبدالعال
بالحفاوة وحس معاهم بالأنسجام
ونقل ليهم رساله من الواد عتمان بتاع الخضار
وسليمان الجزار وعتريس الحفار
وسألوه عن نشاطهم وشغلهم والأسعار
طمنهم عبدالعال وقال ان الأسعار نار
فحمدوا ربهم على نعمة المرستان
وتفقد عبدالعال المكان وشاف ان فيه أماكن كتير جاهزة للأستقبال
ومن قلب المرستان عبدالعال يهديكم السلام
وبيطمئنكم على حالته الصحية ويبلغكم رساله انه أخيراً شعر بإنه أنسان .
كان معكم مراسلكم الزنان من قناة اخر النهار
