الجمعة , مايو 14 2021
أرشيفية
أرشيفية

.. أكتب تاريخك ..

.. أكتب تاريخك ..

أحدث قصيدة لإبن النيل

أنا مش ه‍ سئلك عن دينك
ولا عن نوع السلاح اللي حاضن ايدك
ولا على فكر زرعه في رأسك أميرك
أنا ه‍ سئلك عن شيء بتشوفه عينك

المسيحي جارك في إيه اذاك ؟؟
وقت الفرح وقت الحزن بيكون معاك
وقت الحرب ووقت النصر كان وياك
ووقت الثورة كانت أيده في إيدك

أنا مش ه‍ سئلك عن دينك
ولا عن نوع السلاح اللي حاضن ايدك
ولا على فكر زرعه في رأسك أميرك
أنا ه‍ سئلك عن شيء بتشوفه عينك

أكتب تاريخك
أكتب تاريخك وبكل شجاعة
قول قتلت كام واحد بكل بشاعة
أكتب تاريخك وقول في السطور النذالة
اقول مع صوت الرصاص قتلت البراءة
أكتب تاريخك بكل أمانة انا مش بدينك

أنا مش ه‍ سئلك عن دينك
ولا عن نوع السلاح اللي حاضن ايدك
ولا على فكر زرعه في رأسك أميرك
أنا ه‍ سئلك عن شيء بتشوفه عينك

المسيحي جارك في ايه مضيقك ؟؟
له حقوق في البلد دي بردوا زيك
وفي صلاته لرب العباد هو نفسه ربك
والصليب علي الكنيسة في ايه يغيظك
ده حتي الجرس انت اللي صنعه بأيدك
انا مش بدينك انا من قلبي بدعيلك
بالمحبة ربنا يملئ عينك
بالسلام ربنا ينور طريقك
وهي دي تعاليم ديني

وأنا مش ه‍ سئلك عن دينك
ولا عن نوع السلاح اللي حاضن ايدك
ولا على فكر زرعه في رأسك أميرك

وأكتب تاريخك

#رزق_عبدالله

شاهد أيضاً

المستشار نشأت ومجموعة جاستس للاستشارات يهنئون بعيد الفطر المبارك

تتقدم مجموعة جاستس الدولية للاستشارات لعملائها الكرام بالتهنئة بعيد الفطر المبارك واعاده الله علينا وعليكم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *