الجمعة , مارس 29 2024
مدحت عويضة

فاكسات مهاجر يرسلها: مدحت عويضة

السيسي

تعبنا نقول لمرسي يقول للإخوان أنه مش راجع، ونقول للسيسي يقول للسيساوية انتخابات الرئاسة لازم كومبارس ويبطلوا يقطعوا في كل واحد عايز يترشح.

مجلس الشعب المصري

كلكم وقعتم علي توقيع السيسي، وفروا شوية لتغيير الدستور للتجديد له مرة ثالثة بعد نجاح السيسي.

أبو بكر الجندي

أنا مش زعلان أن غلطت في الصعايدة أنا زعلان آنك بكيت يا كبد أمه أحمد موسي.

جاستن ترودو

قلت أنك شعرت بقلبك بيتخلع لما عرفت حادث فتاة الحجاب، يا قلبي طمن قلبك الحادث طلع كـذب واتفرج علي فيلم )رد قلبي(

خلوة نعمان

يمكن البوليس كشف كذبك وخسرتي ٢٠٣٠ مليون دولار لكن كسبنا ممثلة عظيمة وسياسية كبيرة يبقي لها مستقبل زي جاستن ترودو.

الإعلام الكندي

كنت أتمني كمية الإدانه لحادث الإعتداء علي طفلة الحجاب بنفس قدر إدانه كذب الأسرة بعد الكشف أن الواقعة كذب في كذب.

ترامب

وحياتك تعمل فينا جميل وتاخد ترودو تديله كورس علشان يشد عضمه شويه أو فرقة صاعقة أو تشوف لك طريقة وتريحنا منه.

أندرو شير

ترودو يترنح والفرصة قدامك إستغلها بقي وريحنا يا راجل.

سامي عنان

بقي بعد التاريخ ده كله تقبل تلعب دور عادل إمام في فيلم مرشح تحت الطلب، أقصد زوج تحت الطلب!!!.

مرتضي منصور

أنا عايزك تترشح للرئاسة وتكسب وكل شهرين تشيل وزارة وتحط وزارة غيرها ونخربها زي الزمالك كدة.

حسام حسن

علي فكرة حتي في عدد الأهداف الخطيب ١٨٠ هدف وانت ١١٧ أما اخلاقيا فبيني وبينك أسكت أحسن.

وزيرة الهجرة المصرية

بتقولي نزلتي تصلي في الكنيسة لقيتي ست مسلمة بتحرس الكنيسة بالليل، يا أختي قطيعة ما حدش بياكلها بالساهل.

محافظ المنوفية

زوجتك الثانية بلغت عليك بالرشوة لما حبيت تجيب الثالثة، الحمد لله أنك ما فكرتش تجيب الزوجة الرابعةالثالثة كانت هتجيب لك إعدام.

مني أبو شنب

بتقولي أن نسبة الزوجات الخائنات ٩٦٪ طيب وأنتي من ال ٤٪ ولا ال ٩٦٪.

شاهد أيضاً

الضرائب والزيادات الجديدة التي سيشهدها الكنديون بحلول إبريل المقبل

أمل فرج سيكون الكنديون على موعد مع ارتفاع جديد للضرائب ، وذلك اعتبارا من 1 …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.