جريدة الأهرام الجديد الكندية 
مقالات مشابهة
تحت عنوان انقاذ_حياه _بريء يعول ٣ أطفال انتشرت على شبكة التواصل الإجتماعى صورة للمهندس على المحكوم عليه بالإعدام بالسعودية ظلماً وأسفل منها معلومات يتم تداولها على الشبكة بصورة كبيرة جدا ستقوم الأهرام بنشر الصورة والكلمات كما هى بدون تدخل
واليكم نص ما كتب على التواصل الإجتماعى بدون تدخل منا
انقاذ_حياه _بريء يعول ٣ أطفال
في مهندس مصري من أسوان بقاله ١٣ سنه عايش و شغال في السعوديه يشهد له الجميع بالسيره والسمعة الحسنه محكوم عليه بالإعدام ظلم في السعوديه في قضية جلب مخدرات واترفض الاستئناف بتاعه وممكن يتنفذ فيه الإعدام خلال ساعات او ايّام او أسابيع قليله ولو متحركناش لتوصيل ما يثبت برائته بعد ما السلطات المصرية قبضت علي العصابه وظهر دليل برائته بأحكام قضائية مصرية وان كل دوره هو وكيل شحن لمعده في المقاولات وافق علي استخدام ورق شركته لاستقبال المعده لصالح المالك والمتهم الحقيقي اللي اعترف في السعوديه كمان بعد القبض عليه انها تخصه ..الراجل كل تهمته اللي هايتعدم عليها انه أتصدر معده رصف طرق من مصر الي السعوديه ودخولها يستلزم شركه مقاولات واللي شحنها من مصر حط في الفتيس شحنة أقراص مخدره واتمسكت واتقبض علي وكيل الشحن والمالك ..أوراق القضيه موجودة و السلطات السعوديه رفضت تطبيق اتفاقية الندب القضائي او الاعتداد ببراءه المهندس علي القاسم واعتراف المتهمين في مصر انهم اصلا ميعرفوش اسمه ولا ليه اَي علاقه أكتر من استخدام ورق شركته لتصدير معده لصالح المالك و المتهم الحقيقي المحكوم عليه في نفس القضيه..يعني مهندس بقاله ١٣ سنه حسن السير وكل حسابات بنوكه وحياته وشهادات زملائه بتثبت نزاهته يوم ما يفكر يهرب مخدرات للسعوديه هايدخلها باسم شركته؟ في جريمه أتمسك مرتكبيها في مصر و السعوديه واعترفوا ..ليه مصممين تعدموا الراجل بعد ما ثبت براءته؟
ليه مش معترفين بالورق الرسمي المصري ؟
انا قبل ما اكتب كلمه قريت مذكرة دفاع المتهم و ورق الاحاله السعودي وورق المحاكم المصريه وموجود نسخه لأي حد يقدر يساعد في إنقاذ روح بريء ..المهندس علي نزل فيديو استغاثة للرئيس السيسي ولملك السعوديه من جوه السجن..ساعد في ان صوت مظلوم يوصل قبل إعدامه وأتمنى الصحافه تهتم بقضيته علشان القضاء السعودي يبص في ورق القضاء المصري ويعتد ببرائته.
ربنا يفرجها عَل كل مظلوم ويجعل كل واحد هايهتم بتوصيل صوته سبب في نجاته ورجوعه لأطفاله
