جريدة الأهرام الجديد الكندية 
مقالات مشابهة
بقلم . شحات خلف الله عثمان
خلاص كبرت يا حزين… !!
بينقص عمرك يوم بعد يوم..!
شعرك شاب ..!
وبيروح منك حتى الكلام …!
بتودع كل يوم واحد فى سنك….
بتشتري نومه من غير حساب الظروف…
بتفكر كيف تترك لعيالك شوية فلوس….
******
خلاص وصلت وعديت الأربعين
راحت منك يا مسكين حاجات كتير
مره صحه مره فعل خير
يا ترى كنت فاكر
انك هتقول خلاص
ما هو انت سايب
الدنيا من يومها
تلاعبك
تعاتبك
تعاندك
وما كنت تعرف فيها طعم خوف
******
خلاص كبرت يا حزين
كل حلم كان بيتحقق
بيروح مكانه حته من جسمك
يا تري باقي ايه تانى وفير
هيه دائرة عايشها من سنين
اخرها عمر يجري شمال ويمين
وطعم الحلو فيها خيال اساطير
*******
انا كبرت خلاص
والسن بيحد السكاكين
خدها يا رحمن يا رحيم
فىى طاعه وحسن خاتمه
تشفع بيها يوم الدين
عشتها والله حائر بين البينين
شويه عالم دين
وشويات شيطان رجيم
وانت قادر تغفر زلات العبيد
ما هو انت غفار وصفاتك رحيم
