الأحد , نوفمبر 27 2022
مجده نجيب فهمى

قصص أحزنتنى فهل تحزن قلوب الحكومة والرئيس.

قد دارت أمس محادثات مع بعض الأشخاص ونحن نتجادل حول ارتفاع الاسعار والحالة المزرية التى وصلت إليها الدولة فى ظل النظام الحالى ورئيسة من تطورات مخزية ، وانهيار كامل واستفزاز مستمر منه أو ممن يوليهم فى الحكومة

وأعضاء البرطمان الخونة للشعب الذى اتى بهم فهم بدلآ من أن ينحازوا لنوابهم انحازوا للحكومة والرئيس وبدلآ من مناقشة واستجواب كل الحكومة والرئيس كل يوم فيما يفعلة خرجوا على الشعب بأقذر الكلام بل أنهم بكل بجاحة ووقاحة قالوها لفظآ اللى مش عجبة يمشى من البلد كأنها عزبة ابوهم واحنا عبيد عندهم

فعلآ فأن واقع الامر يقول ذلك فأنهم يلبسون أفخر الملابس ويركبون أفخم السيارات وأكلون ويشربون ما لذى وطاب كل ذلك من قوت الشعب الغلبان لقد راحت ضمائرهم فى معدتهم وجيوبهم

فبدل من مناقشة الموازنة العامة وكيف أن يرفع الغلاء عن المواطن راحو يطلبوا بزيادة مرتباتهم بل أكثر من ذلك طالبوا ببدل أكل وشرب هل لكم أن تتخيلوا أعضاء صرفوا مئات الالوف للوصول لهذا الكرسى وفى أخره يأخذون أموالنا عوض على أن يأتونا لنا بعيشة كريمة وعادلة.

فكيف يأتون بعدالة وكرامة وهم لايعرفوها …فهولاء لا يعرفون شىء عن معاناة الشعب
أحب أقول لكم بكل صراحة …الناس حالها يوجع القلب ويدمى العيون دمآ بدل الدموع..

لكم أن تتخيلوا أن معظم الناس بتشحت من بعض علشان تكمل الأجرة علشان تروح بيوتها

بعد معاناة أنها تحصل على وظيفة  تجيب منها قوت يومها لأولادها وبدل أن ترجع بلقمة يأكلوها تبقى مش عارف أصلآ تروح ليهم لأنك مش معاك تركب أتوبيس ب5 أو ب 3 أو المترو الى

لو إنسان جاهل بعدد المحطات يتأخد ويتحبس علشان مش معه الغرامة طيب هو لو كان معه من الأول يدفع ثمن التذكرة كان هيوصل للغرامة …

أتقوا الله ده أصلآ لو تعرفوة أتقوا غضب الطبيعة بلاش الله اتقوا غضبنا أحنا يعنى أية انت تنوب عنى وتبقى عندك أفخم السكن والسيارات والملابس والأكل والشرب

لو أنت نائبى يبقى عشتك من عشتى وحالك من حالى يا كده يا أنتم حرامية ناهبين الناس
ولو أنت رئيسى كنت عرفت يعنى ية تبقى أب أو أم معيلة وولادك يقعدوا باليومين مايكلوش ولو كلوا ممكن يكون عيش حاف ويشربوا مياة ملوثة فى حين أن حضرتك تلاجتك طول الوقت فيها مياة معدنية ….

أرحموا من فى الأرض علشان يرحمكم من فى السماء والأرض .
الناس تعبت وانتم بتموتوهم بدم بارد …أه نسيت أقولك الإرهاب بيسلم عليك وبيقولك أنه فى ظل ارتفاع الأسعار مبقاش يضرب .

كل ارهاب وانت طيب .
المشكلة أنكم مكشوفين لنا أوى، بس أنتم الى مخبيين وشكم وفاكرين أننا أحنا الى مش شيايفنكم..
مجده نجيب فهمى

شاهد أيضاً

كأس العالم الافريقى … لما العالم كله فرح

مش عاوز اعلق على مونديال باهت لكن عاوز افكركم بمونديال العظمة فى جنوب افريقيا ٢٠١٠. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *