الجمعة , مارس 29 2024
مدحت عويضة

فاكسات مهاجر يرسلها : مدحت عويضة

السيسي
كفاية يا ريس صب في مصلحة المواطن الشعب كله جاله البواسير ومش مستحمل الرحمة حلوة.

اتحاد الكرة
صفر المونديال يساوي كام مليون جنية اتصرفت عليه؟؟

محمد صلاح
رفضت تحتفل بهدفك في السعودية، يا راجل السعودية لسه بتحتفل لغاية دلوقتي بفوزها علينا.

الفريق السعودي
كام ألف ريال رشوة دفعتوها علشان تكسبوا مصر في المونديال.

تركي آل الشيخ

قولت لك الأهلي أكبر منك ومن السعودية ومن فريق بيراميدز لأن فيه حاجة أسمها روح الفانلة الحمراء وفيه حمرا يا تركي.

ألان ريس

أنت أول كندي قبطي صعيدي يكسب عضوية البرلمان الكندي وأحنا ما نعرفش ياريس إللي فات مات ويلا نشتغل مع بعض وشيل الأجندة بقي.

ترامب

أيوة يا ريس ترودو قليل أدب وزعلك خد حقك منه مش مننا، خده عندك أديه دورة تدريب مع المارينز كعقاب له وراحة لينا.

جاستن ترودو

أبلتك كاثلين وين بتقشر بصل علي اللاك شور مش بتيجي تفشر معاها ليه؟ إبقي تعالي؟؟.

فورد
تخفيض عدد الوزارة مش بس قلة في التكاليف ده برضة عمل للمنصب قيمة ومش كل من هب دب يحلم بالوزارة.

ستيفن هاربر

الغريب أن مع تصاعد الأزمة مع أمريكا لقيناك أنت اللي بتحلها وتتوسط لنا مع ترامب صدقني المفروض كل كندا تقول أحنا
اسفين يا هاربر.

الجالية القبطية بكندا

ليس مهما أن يكون لديكم ممثل أو عشرة في البرلمان المهم أن يكون لكم من يستطيع أن يحمل أجندتكم ويدافع عن قضاياكم.

الهيئة القبطية الكندية
عقدكم مع الأهرام الكندي مؤتمر عن خطف البنات القبطيات دليل أن سليم نجيب عرف يربي.

الشعب المصري
تيجوا نعمل يوم واحد في السنة نحتفل بيه بثور ٢٥ يناير وثورة ٣٠ يونية ونلطم فيه زي الشيعة.

الحكومة المصرية
نار الأسعار ممكن تتحول لنار غضب تأكلكم جميعا وتوديكم منتجع طرة زي بتوع مبارك.

شاهد أيضاً

التواصل الإجتماعي

مجالس المدارس في أونتاريو ترفع دعوى قضائية جماعية ضد أشهر وسائل التواصل الاجتماعي

أمل فرج رفعت أربعة مجالس مدارس في أونتاريو دعاوى قضائية في محكمة العدل العليا، بقيمة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.