السبت , مايو 22 2021
محمد فتحى

( دم المسيحي واصل للسما )

 

 

دم المسيحي اللي سال

بيد أرهاب الغدر و العما

دم حي زي ضي مرسال

صوته واصل لحد السما

 

بيوصل لحد الملكوت

بيخلي ربنا يغضب

الدم غالي عالي الصوت

زي براكين بتضرب

 

دم المسيحي أكبر حرام

أوعي تفكر بأنه مباح

الدم أجرام في أجرام

دم المسيحي ليه متاح

 

دم المسيحي اللي بينهدر

أوعي تفكر مالوش دية

ده بيهز الصخر و الحجر

متفكرش أنه حاجة عادية

 

دمه عند ربنا ما بيتنسيش

بيفضل في الذاكرة موجود

أوعي تفكر أنه ما يساويش

ده غالي لأبعد الحدود

 

الدم علي ربنا مش بيهون

ده بيجي يوم و يرجع الحق

ربنا بيحافظ عليه و يصون

متفكرش أنه بينسي لأ لأ

 

دم المسيحي مش هيضيع

ده زيي و زيك كلنا أنسان

دمه طاهر وردي و ربيع

غالي تملي عند الديان

 

دم المسيحي هيفضل حي

مستحيل يبرد أو يموت

دم المسيحي بكرة جاي

مهما أن كان الوقت بيفوت

 

كلمات : محمد فتحى

 

 

 

شاهد أيضاً

جانب من حياة مينا القمص هدرا “الراهب تواضروس الرزيقى”

جورج كرم مينا القمص هدرا، أول معرفتي به كانت فى قنا سنة 2003، في بيت …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *