الثلاثاء , يونيو 18 2024
ابو موسى

تفاصيل انقاذ أسرة مصرية بالسعودية قبل الضياع من قبل كتيبة جت فى الغربة وإعفاء جمركى .

 

بقلم أبو موسى  محمد أبو موسى

اللهم لك الحمد والشكر اقسم بالله شعوري وفرحتي لا توصف خلال ١٢ ساعه هقولها تاني ١٢ ساعه قدرنا بفضل الله تعالي ننهي أزمة أسرة مصرية بالسعودية بالدمام اب مصري ٥٨ سنة ومراتة و ٣ بنات و ولد صغير

تعرضت مراته لازمة صحية استمرت ١٦ شهر أزمة في سيولة الدم ومشاكل في القلب في نفس الفترة دي كان دخل مرحلة مشاكل مع شركتة وتم وقف إقامته ومن ظلم مديره رفض ان يجدد ليه الإقامة ورفض نقل كفاله وبالتالي التأمين انتهي وأصبحت بين نارين

نار التوقف عن العمل والبحث عن عمل آخر وسافر من مدينة لمدينة  من أجل توفير مصاريف عائلته

ولا هو قادر ينزلهم

ولا هو قادر يعمل تأمين

ولا هو قادر ينقل كفاله

باع كتير وباعت دهبها وطلع بنته الكبيرة من الجامعة واتبهدل بهدلة السنين بسبب مدير ظالم

الراجل موجود معانا في الجروب وانا بابكي من فرحتي ان المشكلة خلصت لأن اليوم عرفت وتأكدت ان لما تقف مع حد هيجي وقت عليك والدنيا كله تقف معاك

ابو مصطفي معانا بالجروب وشارك في دية علي مصطفي عبدالوهاب المسجون ٥ سنين وراجل محترم محترم لدرجة أن كان بيبكي وهو بيقول انه نفسه يطلع كاميرا وبث مباشر ويشكر كل الناس اللي وقفت معه لكن بناته علي جواز وبلده ارياف وانا والله اللي رفضت انه يطلع كاميرا

الحمد لله أمورك خلصت وسدد ثمن الإقامة اللي عليه للشركة وهيخرج بكرة بعد ما كمل ودفع كل ما يملك

انا مش عارف اشكركم اذى

وبشكر اخوي وسندنا بالغربة اللي مينفعش اقول علية غير سفير للمصريين بالخارج اخوي محمود شكل

الله يحفظة ويبارك فيه كلمته وهو اجازة مع ابنائه في مصر وقدر من خلال العلاقات الطيبة انه يتدخل وكمان ساهم معانا

انا نفسي ادخل الجروب وأبوس راس كل شخص شارك معانا والله انتم فعلا ارجل ناس في مصر

 

 

 

 

 

 

 

شاهد أيضاً

الكنيسة القبطية

بالصور الحان وترانيم القيامة القبطية تهز التحالف المسيحي بأستراليا في ” الأحتفال بيسوع

أشرف حلمي شهدت منطقة سان جورج بمدينة سيدني عاصمة نيو ساوث ويلز بأستراليا السبت الماضي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.