الخميس , مارس 28 2024
الدكتورة نسرين ميشيل
الدكتورة نسرين ميشيل

بدون ألم …ولكن !!

 بقلم الدكتورة  نسرين ميشيل

من الملاحظ أن أهم شىء بيحرك المريض ويخليه يفكر يروح للطبيب ويخضع لكشف طبى هو الشعور بالآلم

فقط الحالات اللى بينتج عنها آلم حاد أو الأمراض اللى بتعوق المريض عن آداء مسؤلياته اليومية هى اللى بتشغل المريض وبتخليه يجرى على الدكتور

لكن للأسف عندنا مثلا مرض زى الضغط العالى لما بيكون مزمن بيكون مالوش أعراض ومابيحصلش معاه شكوى إلا فى الارتفاعات الكبيرة جدا عشان كده بيسموه القاتل الصامت

وهو فعلا كده ..المرض دا فى أغلب الحالات بيكتشف بالصدفة والمريض رايح يكشف على حاجه تانية تعباه

ولأن احنا معندناش منظومة صحية منظمة زى كتير من الدول الأجنبية

فبالتالى بنفتقد المتابعة والاكتشاف المبكر للأمراض

فبنلاقى كتير من المرضى مش مهتم أن عنده الضغط عالى ماهو مش حاسس بحاجة فى الوقت اللى الضغط بيعمل كل المضاعفات الخطيرة بتاعته

طيب أيه هى مضاعفات الضغط العالى ؟!!

الضغط العالى بيأثر على جدار الأوعيه الدموية وكمان بيضعف عضلة القلب وبيسبب أحيانا قصور بالشريان التاجى وبيسبب تلف بالكلى

وممكن يسبب سكته قلبية أو نزيف بالمخ أو جلطات

وممكن يسبب مشاكل فى العين ويأثر على الرؤية

 دى مجرد أمثله لتأثير الضغط العالى على الجسم

شوفتوا بقا أن هناك ما هو أخطر بكثير من الشعور بالآلم

شاهد أيضاً

Mohamed Ghoneim

مولد ابرز جراحي الكلي في العالم الدكتور ” محمد غنيم “

كمثل اليوم 17 مارس 1939مولد احد ابرز جراحي الكلى في العالم الدكتور “ محمد غنيم …

تعليق واحد

  1. ايه هى الأعراض اللي تخللينى أشك انى عندي ضغط ما دام مفيش ألم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.