الخميس , مارس 28 2024
فاطمة ناعوت وابنها مازن

خلاص بقى لازم نقفل ملف فاطمة ناعوت ” زهقنا”


مدحت النجار المحامي

يا اخوة ممكن نقفل ملف فاطمة ناعوت من عقولنا وحياتنا ونشوف حالنا وقضايانا وما نحن فيه ومش كل شوية نلاقى تراشق وتبادل معاها ومع بعض الأصدقاء وتجاوز لفظي غير لائق ونسينا أنها سيدة فهل يليق أن تشتم بالأب والأم لمجرد خلاف وأنا مش بدافع عنها ولا عن أي حد عشان لو حد تجاوز معي لفظيا هأخد إجراءاتي عشان مش كل شوية نجد تراشق وتبادل سباب

كفاية ونشوف موضوع تاني ولا أيه

 الأستاذ مدحت قلادة كتب شهادة عنها فيما يخص زيارتها الي سويسرا

خرج عليه البعض شاتما ومهدداً ومكيلا له الطعنات

ووجدت شخص يتهمها أنها طلبت تذاكر طيران لأحد المؤتمرات طيب هو حضرتك عاوز ايه يعني تسافر وتحجز طيران من جيبها ولا أيه وبعدين ده عرف أي مؤتمر كده

وبعدين أيه الحوارات المستهلكة دى

أنا قلت قبل كده في بوست لأختنا ناعوت بلا ش تدافعي عن حد ومحدش طلب منك تدافعي عنه

لكن الموضوع يتحول الي يوميات كده

خلاص بقي زهقنا

هو في ايه

احنا فين

هو أي حد يقول رايه تقطعوا رقبته

آمال بتنتقدوا السلفيين ليه

ولا أحنا من بره هالا هالله ومن جوه يعلم الله

ومش دفاع عن استاذ قلادة لا هو حر يدافع عن نفسه

لكن الموضوع بقي ماسخ اوووي وكأن كل قضايانا ومشاكلنا تلخصت في ناعوت فقط وعاوزين نخلص عليها

خلاص بقي نقفل القصة دي وكل واحد وواحدة يشوف حياته وعمله عشان الموضوع أخذ حجم أكبر من حجمه بمراحل عديدة

ولا أيه ياسادة

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.