السبت , يوليو 13 2024
نبيلة مكرم
وزيرة الهجرة

مصرية بالسعودية تصرخ لوزيرة الهجرة وتطالبها بالتدخل العاجل فى مقتل نجلها ” ابراهيم محمد الغريب”

 وجهت الأم المصرية “ع. م غ” المصرية المقيمة بالسعودية 

مع اسرتها صرخة لوزيرة الهجرة المصرية بالتدخل فى مشكلة ابنها 

من خلال مخاطبة النائب العام ،حيث قامت الأم  بنشر مقطع فيديو

تكشف فيه عن حقيقة  مقتل ابنها طالب الفرقة الرابعة بكلية الصيدلية

فهل ستسمع وزيرة  الهجرة لصرخة الأم المصرية  أم ستضيع  صرختها

ويضيع معاها  حق هذا الشاب  فى  الوصول  الى قاتله ؟

 هذا ما  نتابعه  لحظة بلحظة عبر الأيام القادمة

 وسنقوم هنا بنشر  ما قامت الأم بنشره

 يوم الجمعة الخامس من يوليو ، اتصل بي إبراهيم ظهرا ،وقال لي أنا خارج اليوم يا أمى  مع صاحبي “أ .ن م ، وهو طالب بنفس الفرقة بكلية الصيدلة ،

 صلى ابراهيم محمد الغريب العشاء وقال لأخوه عمر أنت موجود فى البيت ولا حتخرج ،عشان أجيب ليك أكل معاى وانا راجع

 وأوعى تنسى تنزل الإيجار للحجة سمية ،  نزل إبراهيم  من شقته  بحى الزهور بالزقازيق ، وكان وقتها الساعة  التاسعة إلا ربع مساءا ، خرجوا ،راحوا محلات أبو الجبن وبالينوا بالقومية  ،

وبعد ذلك اتمشوا على البحر عند كوبري المشاريع ، كان هناك صياد مش عاجبه صوت ابراهيم ،قام الصياد اتخانق مع إبراهيم وشتمه بأمة ، اشتبك إبراهيم مع الصياد  ومكنش حد موجود علشان   يبعهم عن بعض ،وفجأة وعلى حد قول ” أ. ن”  ابنى إبراهيم  أعطى الجوال  والفكة اللي في جيبه ،والمحفظة ، وقال 

ل ” أ. ن” باى باي والقى بنفسه في البحر عشان زعل لما الصياد شتمه بأمة

وده كان  الساعة 10 و23 دقيقة بالضيط ،وهذا ما ذكره بالمحضر ” ا . ن” ،فقد حدد الوقت بدقة تامة ، وبرضوا مكنش فى حد على  كوبرى المشاريع ، يبعد عنه الصياد أو ينقذه من الغرق كما ادعى  زميله (أ.ن) نصير  اللى قال كمان انه  لم يرى إبراهيم وهو بيرمي نفسه ، لأنه كان مشغول بصوت غريب، والتفت حوله  لم يجد  إبراهيم ، أنما شافه وهو فى البحر بيغرق ، لم تكن هذه الرواية الوحيدة ل”أ. ن”

أنما  قال ليه أنا أمة روايات كتير منها  أنه كان بينظف  بنطلون  إبراهيم يا طنط ولم أجده  بجوارى  ومرة أخرى  بنظف البنطلون لنفسى  ولم أجد إبراهيم  ومرة ثالثة أحمد فتحي زميلى كان بيكلمني في الموبايل وفجأة  لم أجد إبراهيم  بجوارى

جريمة قتل
إبراهيم محمد الغريب طالب بالفرقة الرابعة بكلية الصيدلية

الغريب فى الأمر  حينما  علمت بوفاة ابنى  اتصلت ب “أ . ن” زميله  علشان اعرف  الحكاية أيه ، فأول شىء قاله ليه  خدي عمر ابنك التانى بدل ما يحصل ليه اللى حصل لإبراهيم ، لأن عمر ابنى التانى  بكلية هندسة بجامعة الزقازيق وكان مقيم مع أخوه المرحوم  إبراهيم  فى نفس السكن وطبعا بعد كده أخدته وسافرت ،

 كمان “أ. ن”  زميل ابنى سألنى  يوم وفاة ابني ” هو إبراهيم محمد الغريب بعت ليك رسالة يوم الجمعة ؟؟؟كررسؤاله ده أكثر من مرة ، فقلت لا ،أنا كلمته تليفون فسكت

اما والدة ” أ.ن ” حينما جئت للمستشفى العام  الى  كانت فيها جثة إبراهيم كانت في منتهى الرعب والخوف ،وراحت لصديقاتي وتقولهم هو انتحر بس أمة مش مصدقه ،وتقولهم هي أمة شافت أيه في جسمه لما دخلت شافته ، وكررت السؤال عليهم فقالوا لها  اسألي مامته ، ولم سألتنى  فأبلغتها بما  رأيته  فى  جثة ابنى 

والزرقان في الجبهة ،وتحت العينين  ، وكسر وخرابيش  فى أنفه وبتنزف ،وكتفه الأيمن أزرق و مخلوع ، أيده اليمين بها ثلاثة جروح ، وخرابيش في رقبته وصدره ،علامات حبال على أيده جسمه واخد شكل القرفصاء (يعني ايده الأثنين متنيه ،ورجليه متنيه) وبالرغم من كل ده تقرير الطبيب الشرعى ” اسفكسيا الغرق

شاهد أيضاً

الكنيسة القبطية

خبثاء يتلاعبون بملف اختفاء المسيحيات.. وتحذير للمجموعات المسيحية من هذا الفخ

بدأ بعض الخبثاء التلاعب بملف اختفاء الفتيات والسيدات المسيحيات لخداع الجروبات والصفحات المسيحية التى تسعى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.