الإثنين , فبراير 6 2023
رامى كامل

حملة التضامن مع رامى تربك الجميع .

كتب مينا مجدى

اولا : حملة الدعم الواسعة والكبيرة لرامى كامل

فاقت توقعى و أعتقد فاقت كمان توقع اللى قبضوا

على رامى ، لدرجة أن ناس مش اصدقاء لى على الفيسبوك

و لا حتى مهتمين بالشأن السياسى أو الحقوقى بيكلمونى وبيسألوا عن رامى .

ثانيا : ياريت حملة الدعم دى تستمر ، دائما اللى فى الطرف

الأخر يراهنون على النسيان أو على زهق الناس

و ملل الناس ، عشان كده بطلب من الكل استمرار

حملة الدعم ، بالكتابة والتدوين عن رامى والصلاة كمان من أجله .

ثالثا : خروج إعلامى زى محمد الباز عشان يتكلم عن رامى وكلنا عارفين مواقف الباز ضد الأقباط و فاكرين لما هاجم الأنبا مكاريوس ، دليل على الإفلاس و على أننا فى موقف اقوى

رابعا: أحنا فى موقف أقوى فعلا مش لاننا بنتكلم و بنكتب لكن لأن معانا الحق و اللى معاه الحق دائما قوى ، رامى من الناس اللى بتحب بلدها ومخلصة لقضيتها و كل اللى كتبه عن قضايا الأقباط حقيقة لا يمكن التشكيك فيها .

خامسا: بلاش ننساق وراء اى خناقة على الفيس و محدش يجرجرنا لكلام  تافه  ساذج ، أحنا عارفين أن فيه ناس اتربت على الذمية و دول مش وقت المناقشة معاهم ، دول محتاجين علاج نفسى .

سادسا : المصدر الوحيد للأخبار بخصوص القضية يكون السادة المحامين وكلهم أساتذة افاضل محترمين .

سابعا: زى ما رامى قال أمبارح للمحامين فى شجاعة و وعى ” ده ثمن و بدفعه عشان القضية القبطية ” ، أتمنى أن قضية رامى كامل توحدنا .

#الحرية_لرامى_كامل

رامى

شاهد أيضاً

Mohamed Ramadan

أحمد العراقي لمحمد رمضان لا أهلا ولا سهلاً بك فى الأقصر

لك الحق أن تفرح وتهلل لزيارة ممثل؛ ولي كل الحق ان أعبر عن استيائي لزيارة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

كازينو 888 الكويت