جريدة الأهرام الجديد الكندية 
مقالات مشابهة
ملاحظة مهنية سريعة
ملاحظة مهنية سريعة على الاحداث :- ….اكسترا نيوز في مواجهتها ل (الجزيرة-العربي -مكملين-الشرق وطن ) ،، اشبه ب “مركز شباب زينهم ” بيواجه “ريال مدريد ،، اما عمر اديب ..فهو بيسجل اهداف لنفسه وكاريره ومالوش دعوة بفريقه .
باختصار ، ماينفعش تنكر ان فيه مظاهرات ، وتملا الشاشة صور ميادين فاضية لان ماحدش قال اصلا فيه مظاهرات في الميادين ، اللي بيتقال ان هناك مظاهرات في القرى، ، ماينفعش تجيب ناس بتنتقد الاخوان بطريقة (دول بيتخانقوا على فلوس ) و (لو عبد الناصر عايش كان لابسهم طرح وغوايش )….ده خلاص استهلك .
طبعا انا عارف ان السبب الرئيسي في هيافة الاعلام الحكومي ، انحطاط المنطق السياسي الذي يمثله …ماهو انت مش بتهاجم اليمين الديني بتطرفه وارهابيته وتخلفه ومشروعه وحلفه القطري التركي لصالح ..دولة ديمقراطية عادلة بتراعي طبقات شعبها اجتماعيا ،، لا انت بتهاجمه لصالح نظام ديكتاتوري قمعي غير مسبوق ، وبسياسات متفننة في تدمير مواطنيها اجتماعيا ، وبقرارات تنازلت عن ارضه ونيله ،،، وده لو جبت له سي ان ان مش حيعرف يدافع عنه ، فما بالك باعلامين معدومي الموهبة بيستضيفوا راسبين في محو الأمية .
علي فكرة نسيت حاجة، بمناسبة اني قلت عمر اديب بيسجل اهداف لنفسه ، نسيت ان اقول ان احمد موسى ..كان بيسجل اهداف برضه بس في نفسه.
