جريدة الأهرام الجديد الكندية 
مقالات مشابهة
كهربا أنا ادفع فلوس وألبس فانلة الاهلي
فى حوار للاعب الأهلى والزمالك سابقا كهربا فى برنامج ملعب المذاع على قناة أون كشف عن أشياء كثيرة كانت سبب فى رحيله عن الزمالك وعن علاقته بمرتضى منصور قائلا
مرتضى منصور لقيته بيقولي بقولك ايه ياعم كهربا مش عايز اشوف الحركات اللي بتعملهالي وتتجن لما حد يشتمك بابوك ولا بأمك مش عايز اشوف بقى حركاتك دي ، قلتله بعد اذنك الكلام دا يتشال في المونتاج عشان مينفعش ابويا وامي يشوفوا الكلام دا ، قالي انت بتكلمني كدة ازاي وقامت المشكلة
جمهور الزمالك بيشتمنى
انا اكتر لاعب كنت بتشتم من جمهور الزمالك وانا بلعب في الزمالك ، نبقى كسبانين واحد وانا اللي جايب الجول يخش فينا التعادل ألاقيهم بيشتموني انا ، انا كان عندي مشكلة مع مرتضى منصور لما يلاقي الكاميرا ويجمعنا مبيوجهش كلام غير ليا انا ، لكن لو دخلت عليه لوحدي مثلا ممكن يعملي اي حاجة انا عايزها انا لما طلعت على البرتغال كنت رايح بيراميدز ، بس انا كنت مستني الاهلي والاهلي كلمني فعلا ، وانا ساعتها قلتلهم ادوني اسبوع عشان لو الاهلي كلمني هروح ، والفلوس كانت أضعاف أضعاف اللي باخده مع الأهلي ، انت ممكن تدفع فلوس عشان تلبس تيشرت الاهلي
التوقيع للنادى الأهلى
امير توفيق اتكلم مع وكيلي ، ووكيلي قاله كهربا كان مستني اليوم دا بقاله شهر لاني كنت خلاص همضي لبيراميدز ، قلتله دا حلمي وانا جايلي عرض من كذا وكذا بس انا كفاية اني ألبس تيشرت الاهلي ، بعدها قعدت مع كابتن الخطيب قالي شد حيلك واحنا متفائلين بيك وانت ابن النادي
فايلر هو اللي طلب يتعاقد معايا .. قبل كورونا مكنش بيلاعبني سألته هو أنا عملت حاجة طيب جد قالك حاجة عليا .. بعد الكورونا كل حاجة اتغيرت ولعبت أساسي انا من طبيعتي بروح اواجه ، روحت قعدت مع فايلر قلتله هو في مشاكل بيني وبينك او حد قالك حاجة عليا ، قالي لأ ، قلتله طيب انا عايز ألعب 45 دقيقة بس وهعملك اللي انت عايزة
فا قلتله لو مقصر في التمرين او نزلت في ماتش مدافعتش او مهاجمتش فهمني وانا هعملها ، قالي لأ انت بتتمرن كويس وهديك فرصة واداني الفرصة بعد الكورونا
بعد واقعة كلامي مع المستر بعد جول افشة ، تاني يوم روحت لموسيماني ، قلتله حضرتك المدير الفني بتاعي عشان لو حد اتكلم انت زعلان ؟، قالي لأ انت ملكش دعوة انا كدة كدة كنت هنزل رامي اصلاً
