الخميس , مارس 28 2024

المؤخرة

بقلم / ماجدة سيدهم

* الشعوب اللي في المؤخرة هي اللي يشغل تفكيرها ويقلق منامها ويشغل إعلامها مؤخرة ..

* وإذ فجأة وبقدرة قادر اتقلبت الدنيا ..لا حديث لا متابعة إلا عن مؤخرة الفنانة رانيا يوسف في حديث لها بإحدى الفضائيات ..ماعلينا

وإذ فجأة نقح عرق المرجلة ياسادة .. وإنهالت أغلب التعليقات وردود الفعل الشايطة بالغضب حتى من بعض الإعلاميين ..دا غير السباب واللعنات ولسعة جهنم الحراق لرانيا وفساتينها ومؤخرتها ..وكل الغضب دا من باب الكرامة الحامية والحرص المولع على شرف الأمة وعلى عفة شباب الأمة الحلو ..

الظريف أن الجماهير اللي بتصنف نفسها بوهم اسمه الشرف هي نفسها الجماهير المصنفة عالميا بفضيحة حقيقية مؤكدة هي التحرش بكل أجساد نساء المحروسة من أول شعر راسها حتى المؤخرة ..وزيد عليها تفاصيل أكتر ..ولا اأستنثني ست أو بنت بما فيهم ستات دعاة الفضيلة ..( أنتو ماسبتوش حتى مؤخرات الحيوانات ..)..

تعبتكوا أوي مؤخرة رانيا يوسف ..ونزلتوا مواعظ أن جسد المرأة مش للعرض و لازم يكون مصون.. طيب إحنا فيها ..أنتو فين بئا من اللي بتتعرض له الستات من مرارة الانتهاكات اليومية وفي كل شبر ومللي في المحروسة وبيحصل من جوا محراب العلم. ومحراب العبادة كمان .. حتى جوا البيوت والمواصلات والمصانع والمصاعد والملاجيء و..و… طبعا كل دا غير الاغتصاب

* أنتو فين من الست المسنة اللي اتعرى جسمها كله علنا في الشوارع ..! ايه.. مش تحت بند الشنبات دي ولا إيه ..؟

*فين نعرتكوا الكدابة من فيدوهات لدراويش (+18) اللي اتبلينا بيهم في شرح تفصيلي أباحي عن محاسن النهود والفروج والأفخاذ والمؤخرات ..مع شوية شحتفة وسخسخة ورعشة وتبريق وسلطنة لزوم الدروشة ..

*انتو فين من استغلال النقاب والحجاب في جرايم أخلاقية ..

* انتو فين من اللي كان السبب الحقيقي في ضياع أجيال وضرب زينة الشباب في مقتل واللي وصلنا للانحطاط المرعب للأخلاء (ق) في شوارع المحروسة ..

دا وحيد حامد ( الله ينيح روحه ) بجلالة قدرة ماخدش الضجة دي كلها زي ماحظيت بيها مؤخرة الست رانيا ..حقيقي الثقافة بخير ونضافة الدماغ على مايرام ..

* خلاصة القول تفتكروا إيه اللي ممكن ينتجه أو ينجزه أو يطمح فيه شعب اختار برغبته أنه يكون في المؤخرة .. طالما القصد والنية أنه يفضل جاهل وأعمى وأقصى طموحه أنه يمشي ورا مؤخرة ..

هتنضف..من كل الضياع دا صدقوني هتنضف ..بس بتمن غالي شويتين. ..

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.