الثلاثاء , أكتوبر 26 2021
الفنانة عفاف رشاد

الفنانة عفاف رشاد بعد خلع الحجاب : ربنا طبطب عليه فى اللحظة دى

نازك شوقى

أثارت الفنانة عفاف رشاد ضجة وجدلا واسعا على مواقع التواصل الإجتماعي وعلقت الفنانة فيما نسب إليها بشأن دعوتها للنساء بخلع الحجاب، قائلة: «قالوا إني قلت شيلوا الحجاب لأنه بيعمل صداع.. أنا هقول كده ليه بس؟».

وأضافت «رشاد»، في مداخلة هاتفية عبر برنامج «كلمة أخيرة» الذي تقدمه الإعلامية لميس الحديدي على شاشة «ON»: «أنا حجيت بيت الله في 2008 و2014 وأنا ست مريضة بالصداع وقلعته عشان تعبانة، وفوجئت بالناس بتقلي الحجاب بريء منك ربنا ينتقم منك وهيدخلك النار».   

وحول  ما أثير بشأن ظهورها الأخير، قالت «أنا عملت زي كل الناس غيرت صورة البروفايل على الفيسبوك وحطيت صورة تانية وعشان  الفنانة عفاف شعيب جارتي وقريبة مني وصديقتي كانت دائماً تقلي اعملي شعرك وحطي ميكب وماتقلوليش سنك الحقيقي، وسمعت كلامها ورحت الكوافير وعملت شعري ولما جه الكوافير يعمل الصبغة  قلتله مش هتبقى لايقة علي  قالي لا هاتليق على بشرتك لانك بولندية وعملتها».

 وواصلت: “بعد ما خلصت روحت لجارة مغربية شاطرة في “الميكب اب”  وبعدين صورني يوسف الفنجري صاحب ابني، وأما عجبتني الصورة قلت أحطها على الفيسبوك، ونمت وفوجئت  بالي حصل، فجأة لقيت الدنيا اتقلبت والناس بتقلي أنت “تريند” إتخضيت وخفت”.

وأتمت: “إتخضيت وإترعبت لاني ماعرفش يعني إيه تريند.. ما فرحتش أوي من كتر التعليقات السلبية على الصورة وابني جراح في القصر العيني اسمه عمر السبكي قلي ذنبي ايه يا ماما اسمع الكلام ده كله؟”

واختتمت: “أنا بحط على وشي حاجات بسيطة في البيت زي الزبادي والجلسرين والليمون وماسكات وماعملتش “بوتوكس”  وسر جمالي إن ربنا حب يجبر بخاطري فصحيت لقيت كل الناس بتتكلم، ربنا طبطب علي في اللحظة دي وكنت محتاجة طبطبة منه”.

شاهد أيضاً

وزير الرى: مستعدون لانهيار السد وكافة المخاطر

نازك شوقى قال الدكتور محمد عبد العاطى وزير الموارد المائية والرى، إن الوزارة تعمل على …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *