الإثنين , مايو 17 2021
المرشد السياحى

من الذى يدفع المرشدين السياحيين المصريين نحو هاوية الانفجار

في فئه من الشعب المصري اسمهم المرشدين السياحيين بيتم الضغط عليهم بكل الوسائل عشان ينفجروا المرشدين السياحيين واللي دخلهم منقطع من مارس 2020 او بالاحري من يناير 2011 فيما عدا سنه واحده بس قبل الكورونا واللي لازالوا رغم انقطاع الدخل عنهم انقطاع تام يعني مفيش مليم بيدخل جيبهم حتي الاعانه الاستثنائيه اللي تم صرفها لهم وهي 2000 جنيه والغالبيه العظمي من المرشدين ماصرفوهاش اساسا لاسباب واهيه وهمية لازالوا بيدفعوا تامينات 2500 جنيه سنويا وضرائب وضريبة قيمه مضافه

غير مصارفهم من اكل وشرب وعلاج ومصاريف مدارس واطفال عايزين يعيشوا ويتعلموا ويأكلوا ويتعالجوا وأهاليهم اساسا ماعندهمش دخل ومتحملين وساكتين علي كل الضغط ده في حد مستمر في الضغط عليهم اكتر واكتر واخر الضغوط اللي بيمارسها عليهم هي منعهم من دخول متحف الحضارة إلا بتذكرة في الأعياد والأجازات الرسمية يعني بيلغي قانونهم اللي بيسمح لهم بدخول المناطق الآثرية والتاريخية وأماكن المؤتمرات ببلاش لأن ده شغلهم يعني بنفس المنطق نمنع الطيار أنه يطلع يسوق طياره الا لما يدفع ثمن التذكرة

الأماكن الآثرية هي مناطق شغلنا يعني القرار بيمنعني من ممارسة مهنتي والحجة اللي تفتق ذهنهم لها هي هي الحد من التكدس علي أساس أنه لو دفع تذكره التذكرة دي هي اللي هاتمنع تكدس المرشدين السياحيين فئه مضغوطه بكل الطرق ياريت تشوفوا مين مسؤل عن زياده الضغوط ومنع المرشدين من دخول اماكن اعمالهم الا بتذكره ياريت حد يمشي ورا الخيط وشوفوا مين اللي بيدفع المرشدين نحو هاوية الانفجار شوفوا مين فاسد ومين صاحب المصلحه في انه يخلي المرشدين اللي كل واحد فيهم موجود اصدقاء ليه من مختلف الجنسيات علي صفحته يصرخ ويقول بنتمنع من دخول اماكن شغلنا شوفوا مين قاصد يخلي الفئه دي تصرخ دوروا علي الفسده والمصلحجيه وشدوا الخيط واعرفوا بيحصل في الفئه دي ايه عشان كده كتير ومش من مصلحتنا كلنا اننا ندفعهم للانفجار دوروا علي الفاسدين وحاسبوهم كفايه كده امنعوا صرخة وجع قبل ما تطلع.

الاستاذه شرين ابو السعود.

شاهد أيضاً

عهد تحافظ على عهد الاستنارة!

السيدة عهد زوجة سلطان عُمان هيثم بن طارق تجلس شامخة ومبتسمة ولا تُخفي وجهها ولا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *